பிருந்தா சாரதி (Brinda Sarathi)
New
Tamil Author Brinda Sarathi

Brinda Sarathi

About the author

பிருந்தா சாரதி எனும் புனைப்பெயரில் எழுதிவரும் நா.சுப்பிரமணியன் கும்பகோணத்தில் பிறந்தவர். பெற்றோர் சுப.நாராயணன், ருக்மணி. மதுரை மாட்டம் மேலூர் அருகேயுள்ள சண்முகநாதபுரம் கிராமம் இவரது பூர்வீகம்.

கும்பகோணம் அரசினர் ஆடவர் கல்லூரியில் இயற்பியல் இளம் அறிவியல் பட்டமும், மதுரை காமராசர் பல்கலைக்கழகத்தின் அஞ்சல்வழிக் கல்வியில் முதுகலைத் தமிழ் இலக்கியப் பட்டமும் பெற்றவர். கம்பன் கழகம் நடத்திய அனைத்துக் கல்லூரிக் கவிதைப் போட்டியில் தமிழ்நாடு அளவில் முதல் பரிசு பெற்றவர்.

'கல்கி' பொன்விழா கவிதைப் போட்டியில் பரிசு பெற்றவர். 1992ஆம் ஆண்டு இவரது முதல் கவிதை நூலான 'நடைவண்டி வெளியானது.

நடிகர் நாசர் இயக்கிய 'அவதாரம்', 'தேவதை', இயக்குநர் என்.லிங்குசாமி இயக்கிய 'ஆனந்தம்' ஆகிய படங்களில் உதவி மற்றும் இணை இயக்குநராகவும் பணியாற்றியவர். கவிஞர் வைரமுத்து இயக்கிய 'கவிதை பாருங்கள்' என்ற கவிதைகளைக் காட்சிப்படுத்தும் தொலைக்காட்சித் தொடரில் இணை இயக்குநராக பணிபுரிந்தவர்.

2003ஆம் ஆண்டு 'தித்திக்குதே' என்ற திரைப்படத்தை இயக்கிய இவர், இயக்குநர் என்.லிங்குசாமியின் 'ஆனந்தம்', 'பையா', 'வேட்டை', 'அஞ்சான்' முதலிய திரைப்படங்களுக்கு உரையாடல் எழுதியுள்ளார்.

உலகத் தமிழாராய்ச்சி நிறுவனம் 2007ஆம் ஆண்டு வெளியிட்ட 'TAMIL POETRY TODAY' எனும் புதுக்கவிதை தொகை நூலில் இவரது 'ஊமை' என்ற கவிதை ஆங்கிலத்தில் மொழிபெயர்க்கப்பட்டு சேர்க்கப்பட்டுள்ளது. இவரது ஞாயிற்றுக்கிழமைப் பள்ளிக்கூடம்' கவிதைத் தொகுதி 2016ஆம் ஆண்டுக்கான ஜெயந்தன் படைப்பிலக்கிய விருதைப் பெற்றது. அவரது மற்ற கவிதை நூல்கள் 'பறவையின் நிழல்', 'எண்ணும் எழுத்தும்' மற்றும் ''இருளும் ஒளியும்'.

MORE BOOKS FROM THE AUTHOR - பிருந்தா சாரதி (Brinda Sarathi)

Meengal Urangum Kulam

Author: Brinda Sarathi

Category: Social

50.00 / $ 1.99

Be first to Write Review
Back To Top