ஆயிரம் காகிதக் கொக்குகள் (Aaiyram Kagitha Kokkugal)
Aaiyram Kagitha Kokkugal - Tamil eBook

Aaiyram Kagitha Kokkugal

49.00 / $ 1.99

Author: Maalan

Language: All

Genre: Social

Type: Poetry

ISBN: N/A

Print Length: 35 Pages

Write a review

Bad Good

About Book

ஹிரோஷிமாவின் துயரம் எனபது நம் நாகரீகத்தின் துயரம்.அதன் நினைவுகள் இப்போதும்

மிரளச் செய்கின்றன. துரத்துகின்றன.உலகின் பெரும் வல்லரசுகள் அணு ஆயுதங்களைக் குவித்து வைத்துள்ள இந்தத் தருணத்தில் அதை நினைவு கூர்வது முக்கியத்துவம் பெறுகிறது. அது, அந்தச் சம்பவம் போன்று மீண்டும் நடைபெறுவதைத் தவிர்க்கும். பயங்கரவாதத்தாலும் வன்முறையாலும் பீடிக்கப்பட்டுள்ள சமகாலச் சமூகத்தில் சகிப்புத்தன்மையற்ற ஒரு சிறு பொறி, பேரழிவிற்கு வித்திட்டுவிடக் கூடும். என்பதைக் குறித்த அச்சத்தை இங்குள்ள ஐந்து கவிதைகள் வெளிப்படுத்துகின்றன. இந்தக் கவிதைகளை எனது நண்பர் பேராசிரியர் ஹிதேகி இஷிதா மொழிபெயர்த்தார். அந்த ஜப்பானிய மொழி பெயர்ப்பும், அத்துடன் நான் ஹிந்தியில் எழுதிய மூலக் கவிதைகளும் கொண்ட நூல் 2017ல் வெளியாயிற்று.ஜப்பானில் ஹிரோஷிமாவில் அமைந்துள்ள ஹிரோஷிமா அமைதி நினைவு அருங்காட்சியகத்தில் ஏப்ரல் 2017ல் அந்த நூல் வெளியானது என்பதை மகிழ்ச்சியோடு பகிர்ந்து கொள்கிறேன்.

ஆஸ்திரேலியாவின் கான்பெராவில் உள்ள என் நண்பர் சுபாஷ் ஜெய்ரத் இந்தக் கவிதைகளை ஆங்கிலத்தில் மொழிபெயர்க்கும் அரிய செயலை ஏற்றுக் கொண்டார். ஆங்கிலம் வழி தமிழில் மொழிபெயர்க்க தமிழின் முன்னணி எழுத்தாளர் முன் வந்திருப்பது என் பாக்கியம்தான். அவருக்கு என் நன்றி உரியது..

இந்த நூல் எப்போதும் மறந்துவிடக் கூடாத ஹிரோஷிமாவின் துயரத்தையும் அது போல் இன்னொரு துயரம் நடந்து விடக் கூடாதென்பதையும் நினைவூட்டும் என்று நம்புகிறேன்.

- சுரேஷ் ரிதுபர்ணா

About Author

ஜெயகாந்தன், தி.ஜானகிராமன், சிட்டி, சிவபாதசுந்தரம் போன்ற மூத்த தலைமுறைப் படைப்பாளிகள்/

விமர்சகர்களாலும், பிரபஞ்சன், பொன்னீலன், பா.செயப்பிரகாசம் போன்ற சமகால எழுத்தாளர்களாலும், எஸ்.ராமகிருஷ்ணன் போன்ற அடுத்த தலைமுறையினராலும் ஒரு சேரப் பாராட்டப்படும் மாலன் (நாராயணன்) இலக்கிய உலகிலும் இதழியல் உலகிலும் நன்கறியப்பட்டவர் 1950 ஆம் ஆண்டு இந்தியாவில் பிறந்தவர் தமிழ்நாட்டில் உள்ள மதுரையில் பட்டப்படிப்பும், அமெரிக்காவில் உள்ள புளோரிடா பல்கலைக்கழகத்தில் இதழியலில் முதுநிலைப் பட்டமும் பெற்றவர்.

20 நூல்கள் வெளிவந்துள்ளன. அவற்றில் சில பரிசுகள் வென்றிருக்கின்றன. சமகால இலக்கியம் குறித்த வகுப்பறைகளில் இவரது படைப்புக்கள் விவாதிக்கப்படுகின்றன. பாண்டிச்சேரியில் உள்ள மத்திய பல்கலைக்கழகம் இவரது சிறுகதைத் தொகுப்பிற்கு 1997ஆம் ஆண்டின் சிறந்த நூல் என்ற பரிசளித்து பாராட்டியது. மதுரைப் பல்கலைக்கழகம் திருநெல்வேலியில் உள்ள புனித சேவியர் கல்லூரியில் இவரது படைப்புலகம் பற்றிய ஒருநாள் கருத்தரங்கை நிகழ்த்தியது.

இவரது சிறுகதைகள் ஆங்கிலம், இந்தி, மலையாளம், தெலுங்கு ஆகிய இந்திய மொழிகளிலும் பிரன்ச், சீனம், மலாய் ஆகிய உலக மொழிகளிலும் மொழிபெயர்க்கப்பட்டுள்ளன. இவரது சிறுகதை ஒன்றை திரைப்பட இயக்குநர் பாலுமகேந்திரா குறும்படமாகத் தயாரித்து இயக்கியுள்ளார்.

இவரது நாவல் ஜனகணமன ஆங்கிலத்திலும் இந்தியிலும் மொழி பெயர்க்கப்பட்டுள்ளது.

இந்தியாவின் எமர்ஜென்சிக் காலத்தை விமர்சிக்கும் இவரது கவிதை ஒன்று ஆங்கிலத்தில் மொழிபெயர்க்கப்பட்டு அமெரிக்காவில் உள்ள டஃப்ட் பல்கலைக்கழகத்தைச் சேர்ந்த பேராசிரியர் ஜான் ஆலிவர் பெரி பதிப்பித்த ‘அவசரநிலைக்காலக் குரல்கள்'(Voices of Emergency- an anthology of protest poetry) என்ற நூலில் இடம் பெற்றுள்ளது. இவரது வேறு சில கவிதைகள் ஆங்கில மொழி பெயர்ப்பில், சாகித்ய அகாதெமி இலக்கிய இதழான Indian Literature இதழில் பிரசுரிக்கப்பட்டுள்ளன.

உலகம் முழுதும் பரவி வாழும் தமிழர்களின் எழுத்துக்களை ‘புலம் பெயர் இலக்கியம்’ என 1994ஆம் ஆண்டே வகைப்படுத்தி தினமணிக் கதிரில் அதற்கென சிறப்பிதழ் வெளியிட்டு தமிழ் வாசகர்களுக்கு அறிமுகப்படுத்தியவர். அதனைத் தொடர்ந்து அதனைக் குறித்துப் பல பல்கலைக்கழகங்களில் சிறப்புரை ஆற்றியவர். 2011ல் சிங்கப்பூரிலும் 2014ல் கோயம்புத்தூரிலும் இந்தப் பொருள் குறித்த சர்வதேச மாநாடுகளை நட்த்துவதில் முக்கியப் பங்களித்தவர். 2015 ஆம ஆண்டு புலம் பெயர்ந்த எழுத்தாளார்களின் படைப்புக்களைத் தேர்ந்து தொகுத்து சாகித்ய அகாதெமி மூலம் நூலாக வெளியிட்டவர் சிங்கப்பூர் அரசு அளிக்கும் சிங்கப்பூர் இலக்கியப் பரிசு, தங்க முனைப் பேனா விருது, மலேசிய தமிழ் எழுத்தாளர் சங்கம் அளிக்கும் விருது, கனடா இலக்கியத் தோட்டம் அளிக்கும் விருது போன்ற சர்வதேச விருதுகளைத் தேர்ந்தெடுக்கும் நடுவராகப் பணியாற்றியவர்.

சிங்கப்பூரின் எழுத்தாளர் வாரம், மலேசியாவில் நடை பெற்ற இந்திய விழா, சாகித்ய அகாதெமியின் எழுத்துக்களின் திருவிழா போன்ற பல சர்வதேச இலக்கிய விழாக்களில் சிறப்பு விருந்தினராக அழைக்கப்பட்டு கெளரவிக்கப்பட்டவர்.

சிங்கப்பூர் தேசியப் பல்கலைக்கழகம் ஆஸ்திரேலியாவின் மெல்பேர்ன் பல்கலைக்கழகம் ஆகியவற்றில் சிறப்புரை ஆற்ற அழைக்கப்பட்டவர். இலக்கியத்தை வளர்த்தெடுக்க இந்திய அரசால் உருவாக்கப்பட்ட சாகித்ய அகாதெமி அமைப்பில் தமிழ் ஆலோசனைக் குழுவில் அங்கம் வகிக்கிறார். திருநெல்வேலி மனோன்மணீயம் சுந்தரனார் பல்கலைக்கழகம், திருச்சி பாரதிதாசன் பல்கலைக்கழகம் ஆகியவற்றில் தமிழக ஆளுநரால் செனட் உறுப்பினராக நியமிக்கப்பட்டவர்.

தமிழகத்தின் முன்னணி இதழ்களான இந்தியா டுடே, தினமணி, குமுதம், குங்குமம், புதிய தலைமுறை ஆகியவற்றின் ஆசிரியராகப் பணியாற்றியவர். சன் செய்திக் குழுமத்தின் செய்திப் பிரிவுத் தலைவராக இந்திய மொழிகளிலேயே முதன் முறையாக உருவாக்கப்பட்ட 24 மணி நேர செய்தித் தொலைக்காட்சியை வழிநடத்தியதன் காரணாமாக தமிழ் தொலைக்காட்சிகளின் முன்னோடிகளில் ஒருவராக மதிக்கப்படுகிறார். அண்மைக்காலம் வரை புதிய தலைமுறை தொலைக்காட்சியின் இயக்குநராக கடமை ஆற்றியவர்.

யூனிகோடில் அமைந்த முதல் தமிழ் இதழான திசைகள் மின்னிதழை நிறுவியவர். இப்போது அது மின்பதிப்பு, மின் சொல், மின் செய்தி மின் ஆவணங்கள் ஆகியவை கொண்ட ஓர் மின் களஞ்சியமாக வளர்ந்துள்ளது.

MORE BOOKS FROM THE AUTHOR - Maalan

Manam Enum Vanam

Author: Maalan

Genre: Social

99.00 / $ 3.49

Be first to Write Review

Jana Gana Mana

Author: Maalan

Genre: Historical

99.00 / $ 3.49

Rating :

A Phantom Tiger and Other Stories

Author: Maalan

Genre: Social

99.00 / $ 3.49

Rating :

Manaveli Kalaignan

Author: Maalan

Genre: Social

174.00 / $ 4.99

Be first to Write Review

Vizhven Endru Ninaithayo?

Author: Maalan

Genre: Historical

99.00 / $ 3.49

Be first to Write Review

Nandhalala

Author: Maalan

Genre: Family

FREE

Rating :

M. S.

Author: Maalan

Genre: Social

99.00 / $ 3.49

Rating :

Gandhi and Godse

Author: Maalan

Genre: Historical

99.00 / $ 3.49

Be first to Write Review

Thappu Kanakku

Author: Maalan

Genre: Fiction

99.00 / $ 3.49

Be first to Write Review
Back To Top