ஞாபக விலங்கு (Nyabaga Vilangu)
Nyabaga Vilangu - Tamil eBook

Nyabaga Vilangu

174.00 / $ 4.99

Author: Azhagiya Periyavan

Language: All

Genre: Social

Type: Poetry

ISBN: N/A

Print Length: 89 Pages

Write a review

Bad Good

About Book

எளிய மனிதர்களின் இருப்பும் விருப்பமும் எழுதப்படாது போய்க் கொண்டிருக்கிறதோ?

அல்லது ஏதோவொரு ஒற்றைத் தொனிக்குள்ளேயே பெரும்பாலான கவிதைகளும் ஒலியாய்த் தொகுப்பாய் மின்னி மறையுமோவென அலுப்பும் புளிப்புமாய் கவிதைகள் மாறிக் கொண்டிருக்கும் காலகட்டமிது. இல்லையில்லை எமது விடுதலையைப் போன்றே எங்கள் கவிதைகளும் விலகிப் பயணிப்பவை என சொல்லவைக்கும் கம்பீரமும் அழகுணர்வுமாயிருக்கிறது அழகிய பெரியவனின் இக்கவிதைத் தொகுப்பு.

காதலும் போராட்டங்களும் கனிந்ததொரு பருவங்களின் நினைவாகவும் விளைவாகவும் உள்ள கவிதைகள் இவை. மன்றலின் முறையீடுகள் மௌனா என்கிறப் படிமங்களாய் ஒரு பக்கமும், இருப்பின் எதிர்ப்பு தகிக்க ஜாதியை செவுளில் அறையும் போர்க்குண கவிதைகள் இன்னொருப் பக்கமுமென இலக்கிய இயக்கங் கொள்ள வைக்கிற எழுத்துக்களிவை.

தொண்ணூறுகளில் கலகக் கவிதைக் குஞ்சுகளாய் புறப்பட்டவைகள் 'வனத்தில் திரிஞ்சாலும் இனத்தில் அடை' என்கிற 'மனு மொழி'யேற்று ஜாதியப் பனைமட்டைகளாயும், பண்ருட்டி பலாக்கொட்டைகளாயும், கொலை கொள்ளையை நியாயப்படுத்தும் 'கள்ளபார்ட்'களாகவும் பட்டிகளுக்கு திருப்பிக் கொண்டிருக்கும் எதிர்த் திசையில் நம்பிக்கையோடு பயணிக்கும் இந்த 'ஞாபக விலங்கை' பதிப்பிக்க வாய்ப்பை நல்கிய கவிஞர் அழகிய பெரியவனுக்கு நன்றி.

About Author

அழகிய பெரியவன் (Azhagiya Periyavan) தமிழ் இலக்கிய உலகின் முக்கியமான படைப்பாளிகளில் ஒருவர்.

நாவல், சிறுகதை, கவிதை, கட்டுரை எனப் பல தளங்களில் இயங்குகிறார். தெளிந்த அரசியலோடு, தலித் மக்களின் பிரச்சினைகளை எழுதும் படைப்பாளிகளில் முக்கியமானவராக விளங்குகிறார். அழகிய பெரியவன் சிறந்த மேடைப் பேச்சாளரும் ஆவார்.இவர் ‘தகப்பன் கொடி’ புதினத்திற்காக 2003 ஆம் ஆண்டும், 'உனக்கும் எனக்குமான சொல்'கவிதை நூலுக்காக 2010 ஆம் ஆண்டும் இரண்டு முறை தமிழக அரசின் விருது பெற்றவர். அரசுப் பள்ளி ஒன்றில் ஆசிரியராகப் பணிபுரிகிறார். முன்பு இவர் முழுநேர எழுத்தாளராக இயங்கினார்.

அழகிய பெரியவனின் இயற்பெயர் அரவிந்தன் ஆகும். இவருடைய தாய் மாமா ஒருவர் மரபுக்கவிஞராக இருந்தார். அவர் ,நா.பார்த்தசாரதி அவர்கள் எழுதிய குறிஞ்சிமலர் என்ற புதினத்தைப்படித்து அதனால் கவரப்பட்டு அப்புதினத்தின் நாயகனான அரவிந்தன் என்ற பெயரை இவருக்கு வைத்தார். அழகிய பெரியவன் மார்ச் மாதம் மூன்றாம் நாள் 1968 ஆம் ஆண்டு பிறந்தார். இவரின் சொந்த ஊர் வேலூர் மாவட்டம், பேரணாம்பட்டு ஆகும். இவரின் தந்தை சி.சின்னதுரை மற்றும் தாயார் கமலம்.

இவர் தனது கிராமமான கள்ளிப்பேட்டைக்கு அருகில் உள்ள சாத்கர் என்ற கிராமத்தில் இருக்கும் அரசு நடுநிலைப்பள்ளியில் ஐந்தாம் வகுப்பு வரையில் படித்தார். பின்னர் ஆம்பூருக்கு அருகில் உள்ள தேவலாபுரம் உயர்நிலைப்பள்ளியில் எட்டாம் வகுப்பு வரையிலும் பின்னர் ஆம்பூரில் இருக்கும் கன்கார்டியா மேல்நிலைப்பள்ளியில் மேல்நிலை பள்ளி வகுப்பு வரையிலும் படித்தார்..தனது இளம் அறிவியல் பட்டப்படிப்பை விலங்கியலை முதன்மைப்பாடமாகக்கொண்டு வேலூரில் இருக்கும் ஊரீசு கல்லூரியில் படித்து முடித்தார். பின்னர் கல்வியியலில் ஒரு பட்டத்தை மதுரை காமராசர் பல்கலைக்கழகத்திலும், முதுகலை தமிழ் பட்டத்தை சென்னைப்பல்கலைக்கழகத்திலும் பெற்றார்.

அழகிய பெரியவன் தனது கல்லூரி காலத்திலிருந்தே எழுதுகிறார். முதன்முதலாக மேல்நிலைப்பள்ளி வகுப்பில் படித்துக்கொண்டிருந்தபோதே இவர் சில சிறுகதைகளை எழுதிப்பார்த்திருக்கிறார்.நிழல் என்ற பெயரில் கையெழுத்து இதழ் ஒன்றை நடத்தியிருக்கிறார். இவர் எழுதிய 'கூடடையும் பறவைகள்' என்ற சிறுகதை முதன்முதலாக 1998 ஆம் ஆண்டு அக்டோபர் மாதம் தாமரை இதழில் வெளியானது.தமிழின் முன்னணி பத்திரிகைகளிலும் இலக்கிய இதழ்களிலும் எழுதிவருகின்றார்.

அழகிய பெரியவன் தன்னுடைய படைப்புகளுக்காக பல பரிசுகளையும் விருதுகளையும் பெற்றுள்ளார். திருப்பூர் தமிழ்ச்சங்க விருது, தினமணி ஆக்சஸ் கவிதைப்பரிசு,கணையாழி சம்பா நரேந்தர் குறுநாவல் பரிசு,கலை இதழ் பரிசு, கலை இலக்கிய பெருமன்ற பரிசு, தமுஎகச வழங்கும் சு.சமுத்திரம் சிறுகதை நினைவுப்பரிசு,தினமணி நெய்வேலி சிறுகதை பரிசு,சுஜாதா உயிர்மை விருது, பொ.மா.சுப்பிரமணியம் அறக்கட்டளை விருது, சிற்பி கவிதை விருது, எஸ்.ஆர்.வி தமிழ் விருது, களரி வழங்கும் கு. அழகிரிசாமி சிறுகதை விருது, தலித் முரசு கலை இலக்கிய விருது, இந்தியா டுடே எதிர்கால நாயகர் விருது, திராவிடர் கழகம் வழங்கும் பெரியார் விருது ஆகியவற்றை பெற்றிருக்கிறார்.

2003 ஆண்டு 'தகப்பன் கொடி' புதினத்துக்கும், 2010 ஆம் ஆண்டு 'உனக்கும் எனக்குமான சொல்' என்ற கவிதை நூலுக்கும் தமிழக அரசின் விருதினை பெற்றுள்ளார்.

அழகிய பெரியவன் எழுதிய 'குறடு' என்ற சிறுகதை 'நடந்த கதை' என்ற பெயரில் பொன்.சுதா என்பவரால் குறும்படமாக்கப்பட்டு பல பரிசுகளை பெற்றுள்ளன. இவருடைய மற்றொரு சிறுகதையான 'கண்காணிக்கும் மரணம்' என்ற சிறுகதையும் ஹரி என்பவரால் அதே பெயரில் குறும்படமாக்கப்பட்டுள்ளது. அம்ஷன் குமார் அவர்கள் இயக்கியுள்ள 'மனுசங்கடா' என்ற திரைப்படத்துக்கு துணை திரைக்கதை ஆசிரியராகப் பணியாற்றியுள்ளார்.

அழகிய பெரியவனின் படைப்புகளில் பதினைந்துக்கும் மேற்பட்டவர்கள் ஆய்வுகளை மேற்கொண்டு எம்.பில்.பி.எச்.டி பட்டங்களைப் பெற்றுள்ளார். இவரின் பல்வேறு படைப்புகள் பத்துக்கும் மேற்பட்ட கல்லூரிகளிலும் பல்கலைக்கழகங்களிலும் பாடமாக வைக்கப்பட்டுள்ளன. கேரள மாநிலத்தின் தமிழ்ப்பாடத்திட்டத்தில் மேல்நிலைப்பள்ளி அளவிலும் கல்லூரி அளவிலும் இவருடைய சிறுகதைகள் பாடமாக வைக்கப்பட்டுள்ளன. இவருடைய 'ஏதிலிக்குருவிகள்' என்ற கவிதையை தமிழ்நாடு அரசு பதினோராம் வகுப்பு தமிழ்ப்பாடநூலில் பாடமாக சேர்த்துள்ளது.

இவருடைய பல கதைகளும் கவிதைகளும் ஆங்கிலம், செக், இந்தி, உருது, வங்காளம், தெலுங்கு, கன்னடம், மலையாளம் ஆகிய மொழிகளில் மொழியாக்கம் செய்யப்பட்டு வெளியிடப்பட்டுள்ளன.

MORE BOOKS FROM THE AUTHOR - Azhagiya Periyavan

Arooba Nanju

Author: Azhagiya Periyavan

Genre: Social

99.00 / $ 3.49

Be first to Write Review

Niramatru Vadiyum Vali

Author: Azhagiya Periyavan

Genre: Social

49.00 / $ 1.99

Be first to Write Review

Nee Nigazhntha Poothu

Author: Azhagiya Periyavan

Genre: Social

49.00 / $ 1.99

Be first to Write Review
Back To Top