பிறப்பும் சிறப்பும் இறப்பும் (Pirappum Sirappum Irappum)
Pirappum Sirappum Irappum - Tamil eBook

Pirappum Sirappum Irappum

49.00 / $ 1.99

Author: S. Raman

Language: All

Genre: Social

Type: Articles

ISBN: N/A

Print Length: 25 Pages

Write a review

Bad Good

About Book

ஒரு மனிதனின் வாழ்வென்பது பிறப்பில் தொடங்கி இறப்பில் முடிகிறது என்பது அவன்

உடல், மற்றும் உயிரைப் பொறுத்தவரை மட்டுமே சரியான விளக்கம் ஆகும். அவனது தினசரி அனுபவங்களிலேயே அவன் இருந்தும் இல்லாத நிலைமையை அவனது ஆழ்ந்த தூக்கத்தில் அனுபவிக்கிறான். ஆனாலும் அவனால் அதை அப்போது விவரிக்க முடியாமல்தான் இருக்கிறான். அதாவது அவனுக்குத் தெரிந்த நிலைகளுக்கும் மேலாக பல நிலைகள் அவனுக்கு இருக்கலாம் என்பதை அவன் தினம் தினம் உணர்கிறான். அதைப் பற்றி மேலும் அறியும் ஆவல் எவருக்கு உதிக்கிறதோ, அவர்கள் தங்கள் வாழ்நாளில் ஆற்றும் பணிகள் அனைத்தையும் செவ்வனே செய்து முடிப்பதற்கான முயற்சிகள் அனைத்தையும் கவனத்துடன் எடுப்பார்கள். அது உலகளவில் அவர்களுக்குப் பெயர், புகழ், பணம் போன்ற சிறப்புகளை அள்ளித்தரலாம். ஆனால் அவர்களின் நோக்கமெல்லாம் சிறப்புகள் அனைத்திலும் சிறப்பான “நான் ஏன் பிறந்தேன்?” என்ற கேள்விக்கான பதிலை உணர்வதில்தான் இருக்கும். மற்றவர்கள் சொல்லிக் கேட்பது எதுவுமே புத்தி அளவில் நிற்குமே தவிர, அதுவே அவனை அனுபவத்தில் கொண்டுவிடாது. அந்த அனுபவம் இறுதியில் ஒருவனுக்குக் கிட்டுவதற்குள், அவனுக்குப் பல பிறவிகள் வந்து போகலாம். அவை எதையும் அவன் மனதில் கொள்ளாது, அவன் செய்யும் செயல்கள் எல்லாமே அவனது பழைய வினைகளை முற்றிலும் ஒழித்து, மேலும் புதிய வினைகளைக் கூட்டாமல் இருந்தால், அது அவனை ஞானம் பெறச் செய்து உன்னத நிலைக்குக் கொண்டுசெல்லும். அது கிட்டும் வரை இந்த உலகில் அவனுக்குப் பிறப்பு-இறப்பு உண்டு; அதைத் தவிர்க்கும் ஒரே வழி அவன் அந்த சிறப்பான உன்னத நிலையை எட்டுவதே.

About Author

இளங்கலையில் இயற்பியல் (Physics) முதுகலையில் மின்னணு (Electronics) முனைவர் பட்டமோ பேச்சை

அறியும் கணினி வழிகளில் (Speech Recognition) என்பவைதான் இந்நூலாசிரியர் S. ராமன் சென்ற கல்வி வழி. இவை நடுவில் தமிழ் எங்கே வந்தது என்று கேட்டால், தான் பிறந்தது 1944-ல் தமிழ் நாட்டில் சங்கம் வளர்த்த மதுரையில், தொடக்கத்தில் தமிழிலேயே பயின்றும், பின்பு ஆங்கிலத்தில் படிப்பு தொடர்ந்தாலும் இளங்கலைப் படிப்பு வரை தமிழ் பயின்றதும் காரணமாக இருக்கலாம் என்பார். மேலும் தமிழ் பயின்ற ஆசிரியர்களில் முதன்மையானவர் “கோனார் நோட்ஸ்” புகழ் திரு. ஐயம் பெருமாள் கோனார் என்றால் அது போதாதா என்றும் சொல்வார்.

பெங்களூர் (I.I.Sc.) இந்திய விஞ்ஞான ஆராய்ச்சிக் கழகத்திலும், பின்பு சென்னை (I.I.T.) இந்தியத் தொழில்நுட்பக் கழகத்திலும் ஆக நாற்பது வருடங்கள் பணி புரிந்து பேராசிரியராக 2006-ல் ஓய்வு பெற்றார். தற்சமயம் பல்கலைக் கழகங்கள் அல்லது கல்வித் தர நிர்ணயக் குழுக்களின் அழைப்புக்கு இணங்கி அவ்வப்போது பணியாற்றி வருகிறார்.

இவர் தனது இளம் வயதிலிருந்தே திருவண்ணாமலை தவச்சீலர் பகவான் ஸ்ரீ ரமண மகரிஷிகளின் போதனைகளில் மனம் சென்றவர். அன்னாரின் உரைகளைப் பற்றியும், அது தொடர்பானவைகளைப் பற்றியும் இவர் தமிழ்ஹிந்து இணைய தளத்தில் (www.tamilhindu.com) 2010-ம் வருடத்தில் இருந்து எழுதத் தொடங்கினார். அவை தவிர தினசரி செய்திப் பத்திரிகையில் வரும் சில ஆங்கிலக் கட்டுரைகளைத் தமிழில் பெயர்ப்பதும் இவரது இன்றைய பணிகளில் ஒன்று.

இவர் எழுதிய வால்மீகி இராமாயணச் சுருக்கத்தின் மொழிபெயர்ப்பான “இராமன்: ஒரு மாபெரும் மனித குலவிளக்கு”, மற்றும் “இரமணரின் கீதா சாரம்” நூல்களை ‘இந்துத்துவா பதிப்பக’மும் , சுவாமி விவேகானந்தர் வழி நடந்து ஒரு புதிய நகரத்தையே உருவாக்கிய, ஆஸ்திரேலியத் தமிழரான திரு. மஹாலிங்கம் சின்னத்தம்பி அவர்களின் வாழ்க்கை சரிதையான “இலக்கை எட்டும்வரை இடைவிடாது இயங்கு” என்ற மொழிபெயர்ப்பு நூலை “கண்ணதாசன் பதிப்பக”மும் வெளியிட்டிருக்கின்றன. இவரது இன்னுமொரு மொழிபெயர்ப்பு ஸ்ரீ ரமண மகரிஷி இணைய தளத்தில் “அத்வைத ஞான தீபம்” என்று ஒளி வீசுகிறது.

தமிழ்க் கட்டுரைகள் எழுதுவது தவிர, தனது வீட்டு மாடியின் திறந்த வெளியில் இயற்கை உரம் தயாரித்து, செடிகள் வளர்ப்பதும் இவரது இன்னுமொரு ஓய்வுகாலப் பொழுதுபோக்கு.

MORE BOOKS FROM THE AUTHOR - S. Raman

Raman: Oru Maaberum Manitha Kula Vilakku

Author: S. Raman

Genre: Spiritual

249.00 / $ 6.24

Be first to Write Review

Ramanarin Geethasaram

Author: S. Raman

Genre: Spiritual

99.00 / $ 3.49

Be first to Write Review

Ramanarin Sivanandalahari Saaram

Author: S. Raman

Genre: Spiritual

49.00 / $ 1.99

Be first to Write Review

Srimad Ramayana Kathapaathirangalin Deiveega Pinnani

Author: S. Raman

Genre: Spiritual

49.00 / $ 1.99

Be first to Write Review

Ariyum Arive Arivu

Author: S. Raman

Genre: Spiritual

99.00 / $ 3.49

Be first to Write Review

Annamalaiyar Alitha Anubavangal

Author: S. Raman

Genre: Spiritual

99.00 / $ 3.49

Be first to Write Review
Back To Top