Home / eBooks / Aasaiye Alai Polea...!
Aasaiye Alai Polea...! eBook Online

Aasaiye Alai Polea...! (ஆசையே அலை போல...! )

About Aasaiye Alai Polea...! :

திருமணமாகி புகுந்த வீட்டிற்கு வந்த பூர்ணிமா, தன் தாய் தந்தையர் சொல்லிக் கொடுத்த திட்டத்தின்படி தன் கொழுந்தன் சித்தார்த்தை வளைத்து தன் தங்கை பார்கவிக்கு மணம் முடிக்கத் துடிக்கிறாள். ஆனால், மாமியார் புவனேஸ்வரியோ ஒரே குடும்பத்திலிருந்து இரண்டு மருமகள்களைக் கொண்டு வந்தால் ஒரு ஜோடிதான் நன்றாக இருக்கும், மற்றொரு ஜோடி கஷ்டப்படும் என்று கூறித் தயங்குகிறாள். ஆனாலும், பூர்ணிமா தன் சதியால் வெல்லுகிறாள். ஒரே வீட்டிற்கு இரண்டு மகள்களைக் கொடுத்து, அதன் மூலம் அந்தக் குடும்பத்தின் மொத்த சொத்தையும் அபகரிக்கத் திட்டமிட்ட பூர்ணிமாவின் பெற்றோர் மகள்களைத் தூண்டி விட்டு சொத்தைப் பிரிக்கச் செய்கின்றனர்.

பிரித்து வந்த சொத்தைக் கொண்டு புது தொழில் துவங்கிய சின்ன மாப்பிள்ளை சித்தார்த் பெரும் நஷ்டத்திற்கு ஆளாக, ரத்த அழுத்தம் அதிகமாகி கோமாவில் விழுகிறான். குடும்ப வண்டியை ஓட்ட பார்கவி வேலைக்குச் செல்கிறாள். அண்ணனும் தம்பியும் பிரிகின்றனர்.

பிரிந்தவர்கள் மீண்டும் இணைந்தனரா?....சதித் திட்டக்காரர்கள் ஓய்ந்தனரா?

நாவலைப் படியுங்கள்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books