கருமலைத்தமிழாழன் கிருட்டிணகிரியில் உள்ள கருமலை என்ற ஊரில் 16.07.1951ல் பிறந்தவர். இவர் புலவர், எம்.ஏ., எம்.எட்., எம்ஃபில்., ஆகியப் பட்டங்களைப் பெற்றுள்ளார். இவர் தமிழ் மீதும் தனது ஊர்ப்பற்றின் மீதும் கொண்ட மிகுந்த காதலால் தனது இயற்பெயரான கி.நரேந்திரன் என்பதனை மறந்து இன்று கருமலைத்தமிழாழன் என்று அனைவர் மனதிலும் பதியும் வண்ணம் தமது தமிழ்ப்பணியைச் செய்து வருகிறார்.

கருமலைத்தமிழாழன் தன்னுடைய வாழ்நாள் முழுவதும் தமிழ்ப்பணியும் தமிழாசிரியர் பணியும் செய்துள்ளார். அரசு மேல்நிலைப்பள்ளியில் 25 ஆண்டுகள் தமிழாசிரியராகப் பணியாற்றியுள்ளார். அடுத்த 10 ஆண்டுகள் அரசு மேல்நிலைப் பள்ளித் தலைமையாசிரியராக சீரும் சிறப்போடும் பணியாற்றியுள்ளார்.

குயில், காஞ்சி, கண்ணதாசன், தமிழ்ப்பணி, முல்லைச்சரம், புன்னகை, காவியப்பாவை, தினத்தந்தி, தமிழ் இலெமுரியா, தினகரன், தினமணி, தினமலர், மாலைமுரசு, மாலைமலர், முரசொலி போன்ற 50திற்கும் மேற்பட்ட நாள், வார, மாத ஏடுகளில் 1969 முதல் இன்றுவரை பத்தாயிரத்திற்கும் மேற்பட்ட கவிதைகள் வெளிவந்துள்ளன.
இதுவரை 22 கவிதை, உரைநடை நூல்கள் வெளிவந்துள்ளன.

பல்வேறு இலக்கிய அமைப்புகளின் மூலமாக 1.பாவேந்தர் பைந்தமிழ்ச் செல்வர் 2.ஒட்டக்கூத்தர் 3.கவிதைச் செல்வர் 4.தமிழ்மாமணி 5.பாவேந்தர் நெறி செம்மல் 6.தமிழ் இலக்கியமாமணி 7.இலக்கியச்செம்மல் 8.இலக்குவனார் விருது 9.ஈரோடு தமிழன்பனார் விருது 10. வெண்பா வேந்தர் போன்ற பல விருதுகளை பெற்றுள்ளார்.

Agamugam

கவிதை என்பது கருத்துவிதை. கவிதை என்பது பேசும் ஓவியம். கவிதை என்பது காலத்தின் கண்ணாடி. கவிதை என்பது கவிஞனின் நெஞ்சம்.
என் கண்கள் கண்ட காட்சிகள், என் செவிகள் கேட்ட செய்திகள், என் உள்ளம் உணர்ந்த உணர்வுகள் கவிதைகளாக உருப்பெற்று அகமுகம் என்ற தொகுப்பாக உங்கள் கைகளில் தவழ்கிறது.
அகமுகம் என்ற இந்தக் கவிதைத்தொகுப்பு நான்கு பகுதிகளாக அமைந்துள்ளது. தமிழ்முகம் என்ற பகுதியில் தமிழ்மொழியின் மேன்மை, இன்றைய நிலை, நாம் என்ன செய்ய வேண்டும் என்பன போன்ற கவிதைகள் இடம்பெற்றுள்ளன. குமுகமுகம் என்ற பகுதியில் சமுதாய அவலங்கள், வாழ்க்கை நிலை போன்ற கவிதைகள் இடம் பெற்றுள்ளன. பெண்மைமுகம் என்ற பகுதியில் பெண்களின் நிலை, அவர்களின் குமுறல்கள், பாலியல் வன்முறைகள் போன்ற கவிதைகள் இடம் பெற்றுள்ளன. இயற்கைமுகம் என்ற பகுதியில் இன்று இயற்கை எவ்வாறு சிதைக்கிறார்கள் என்பதையும், இயற்கையை எவ்வாறு காக்க வேண்டும் என்பதையும் விளக்கும் கவிதைகள் இடம் பெற்றுள்ளன.
- பாவலர் கருமலைத்தமிழாழன்

Kalam Vellum Kalaignar

Suvadugal

Verin Vizhuthugal

Mannum Marabum

Oppanai Pookkal

Nenjin Nizhalgal

Agamugam | Tamil | 
        ebook online | Karumalai Thamizhazhan

https://www.pustaka.co.in/home/ebook/tamil/agamugam

Agamugam is a Social Poetry in Tamil by prolific author Karumalai Thamizhazhan. Rent this eBook through subscription plan. 

https://d290ueh5ca9g3w.cloudfront.net/tam/cover/social/agamugam.jpg