Home / eBooks / Annapoorna
Annapoorna eBook Online

Annapoorna (அன்னபூர்ணா)

About Annapoorna :

பத்மினி பட்டாபிராமன் எழுதியிருக்கும் இந்த குறுநாவல் தொகுதியில் மொத்தம் ஆறு குறுநாவல்கள் உள்ளன.

முதலில் இருக்கும் வேட்கை குறுநாவல், கல்கி பவளவிழா 2015 குறுநாவல் போட்டியில் முதல் பரிசு பெற்றது.

மன நலம் பாதிக்கப்பட்ட ஒரு பதினேழு வயது இளைஞனை அவனது தாய், பிறந்த நாளுக்கு உடை வாங்கித்தர, நகரின் அதிநவீன ஏழடுக்கு மாலுக்கு அழைத்துப் போகிறாள். அங்கே அவன் நடந்து கொள்ளும் விதம் பலரைத் திகைக்க வைக்கிறது. தனியாக எஸ்கலேட்டர் கூட ஏறத் தெரியாதவன், ,திடீரென்று தாயின் பார்வையிலிருந்து மறைந்து விடுகிறான். அவனுக்கு என்ன ஆயிற்று?

அன்னபூர்ணா குறுநாவல். 2019ல் லேடீஸ் ஸ்பெஷல் இதழ் நட்த்திய போட்டியில் முதல் பரிசு வென்றது.

இமய மலைத்தொடரின் ஒரு சிகரமான அன்னபூர்ணா, நேபாளத்தில் இருக்கிறது. ட்ரெக்கிங் என்னும் மலை ஏற்றம் செல்ல பலரும் செல்லும் இடம். கொல்கத்தா, சென்னை, மும்பை, மதுரை என்று பல இடங்களிலும் இருந்தும், இளம் பெண்கள் ஆண்கள் வரும் ஒரு சிறு இளைஞர் கூட்டம் , ட்ரெக்கிங் செல்கிறார்கள். அவர்கள் சந்திக்கும் பிரச்னைகள்,எதிர் கொள்ளும் சவால்கள் என்று போகும் கதை.

“இரண்டாவது அத்தியாயம்”, “நான்கு மணி நேரம்” இரண்டு குறுநாவல்களும் குமுதம் மாலைமதியில் வெளியானவை.

நடைபாதையில் பழைய புத்தகங்கள் விற்கும் குடும்பத்தின் இளம் பெண்ணுக்கு வரும் காதல்,அதன் விளைவுகள் சொல்வது “உன் வசம் ஆனேன்”குறு நாவல்.

தொலைக்காட்சியில் ரிப்போர்ட்டராக வேலை பார்க்கும் இளம் பெண்ணின் அனுபவங்களை சுவைபட சொல்கிறது, “ஏழாவது சுவை”

About Padmini Pattabiraman :

பத்மினி பட்டாபிராமன் குறிப்புக்கள்

சென்னை தொலைக்காட்சியில் 14 வருடங்களுக்கு மேலாக நிகழ்ச்சி மற்றும் செய்தி அறிவிப்பாளராக ஏராளமான பேட்டிகள், நிகழ்ச்சித் தொகுப்புக்கள் வழங்கியிருக்கிறார். அகில இந்திய வானொலி எஃப். எம்மில் 2 வருடங்கள் செய்திகள் வாசித்திருக்கிறார். குமுதம், ஆனந்தவிகடன், கல்கி, அமுதசுரபி, குங்குமம், கலைமகள், மஞ்சரி, இலக்கியப் பீடம், லேடீஸ் ஸ்பெஷல், மங்கையர் மலர், பெண்மணி, சாவி, மங்கை, ராஜம், தாய், தமிழரசி போன்ற பல பத்திரிகைகளில் சிறுகதைகள், குறுநாவல்கள், கட்டுரைகள், தொடர்ந்து எழுதி வருகிறார்.

மஞ்சரி, ஆன்மீகம் இதழ்களில் இவர் எழுதிய பயணம் மற்றும் கோயில்கள் பற்றிய கட்டுரைகள் பிரசுரமாகி இருக்கின்றன.

கல்கியில் 16 பக்க இணைப்பு புத்தகத்தை இரண்டு முறைகள் தயாரித்திருக்கிறார். மங்கையர் மலரிலும் “இணைப்பு” புத்தகங்கள் எழுதி வருகிறார்.

அகில இந்திய வானொலியின் நாடக விழாக்களில் இவர் எழுதிய நாடகங்கள் தொடர்ந்து மூன்று ஆண்டுகள் ஒலிபரப்பாகியிருக்கின்றன.

இவரது எழுத்தில், பொதிகை தொலைக்காட்சியில், ஆர்.எம்.கே.வி நிறுவனம் வழங்கிய தொடர் “ரசிகப்ரியா” என்னும் ஒரு மணி நேர நிகழ்ச்சி. இரண்டு வருடங்கள் ஒளிபரப்பானது.

மங்கையர் மலரில் பல வருடங்களாக மருத்துவம், உடல் நலம்,தோட்டக் கலை, புகைப்படக் கலை பற்றிய தொடர் கட்டுரைகள், அறிவியல் கட்டுரைகள் எழுதி வருகிறார்.

அமுதசுரபி குறுநாவல் போட்டி, கல்கி குறுநாவல் போட்டி, சுந்தரம் ஃஃபைனான்ஸ், மைலாப்பூர் டைம்ஸ் இணந்து நடத்திய சிறுகதைப் போட்டிகளில் முதல் பரிசு, ஆனந்த விகடன் பொன்விழா கதைப் போட்டி, குமுதம் சிறுகதைப் போட்டி, கல்கி சிறுகதைப் போட்டி, இலக்கியபீடம் சிறுகதைப் போட்டி, தமிழரசி பத்திரிகையில் அமரர் எம்.ஜி.ஆர். நினைவு சிறுகதைப் போட்டி என பல போட்டிகளில் பரிசுகள் பெற்றுள்ளார்.

“மாமரத்து வீடுகள்” ,திருமதி சிவசங்கரி அவர்களாலும், “புது வெளிச்சம்” திரு. நல்லி குப்புசாமி அவர்களாலும் வெளியிடப்பட்டு பெரும் பாராட்டு பெற்றவை.

கம்ப்யூட்டர் அனிமேஷன் கிராஃபிக்ஸ்மற்றும் அறிவியல் கட்டுரைகளின் தொகுப்பான , “டிஜிட்டல் வாழ்க்கை” புத்தகத்தை, இயக்குனர் திரு.வசந்த் வெளியிட்டார்.

சென்னை அண்ணா பல்கலைக் கழகத்தில் வருகைப் பேராசிரியராக (VISITING FACULTY) 2002 ம் ஆண்டு முதல் கடந்த 14 வருடங்களுக்கு மேலாக கம்ப்யூட்டர் கிராஃபிக்ஸ், அனிமேஷன், வெப் டிசைனிங் கற்றுத்தந்தவர். அனிமேஷன் வகுப்புக்கள் எடுத்து வருகிறார்

இவரது கணவர் பட்டாபிராமன் அசோக் லேலண்ட் நிறுவனத்தில் ஏற்றுமதி பிரிவில் உயர் அதிகாரியாக பணி புரிந்துவிட்டு தற்சமயம் பேராசியராக இருக்கிறார்.

Rent Now
Write A Review

Same Author Books