Home / eBooks / Antha Violet Kangal
Antha Violet Kangal eBook Online

Antha Violet Kangal (அந்த வயலட் கண்கள்)

About Antha Violet Kangal :

விமான விபத்தில் மனைவியையும், மகளையும் ஒரு சேரப் பறி கொடுத்து விட்ட, ஃபாரெஸ்ட் ஆபீஸர் ரவீந்தர், தனது பணியை ராஜினாமா செய்து விட்டு, தனது முதுமைக் காலத்தில் ஊட்டி பங்களாவில் தனியே வாழ்கிறார்.

இளம் வயதில் சிறந்த புகைப்படக் கலைஞராய் விளங்கி, பல போட்டிகளில் பரிசுகளை வெனற அவர், பொழுது போக்காய் தன் பழைய புகைப்பட ஆல்பத்தைப் பார்க்கிறார். அதில் வயலட் நிற கண்கள் படைத்த அந்த சிறுமியின் புகைப்படத்தையும் காண்கிறார். அது பல வருடங்களுக்கு முன் தனக்கு தேசிய அளவில் பரிசு பெற்று தந்த புகைப்படம் என்பதால் அதை பெருமிதத்தோடு பார்க்கிறார்.

அப்போது பத்து வயதாய் இருந்த சிறுமி இப்போது எப்படி இருப்பாள்?...அவள் கண்கள் எப்படியிருக்கும்?...என்பதைக் காண அவர் மனம் ஆசைப்படுகிறது.

அவளைக் காணப் புறப்படுகிறார். அவள் அந்த ஊரில் இல்லாதிருக்க, புது விலாசத்தைக் கண்டுபிடித்துச் செல்கிறார். அங்கு அவர் கண்ட அதிர்ச்சியான விஷயங்கள் அவரை உலுக்கியதோடு அவர் உயிருக்கும் ஆபத்தை ஏற்படுத்த, தன் முயற்சியை கை விடாமல், “அந்த வயலட் கண்களை பார்த்தே தீருவது?” என்கிற முனைப்போடு தொடர்ந்து செல்கிறார்.

அவர் அந்தக் கண்களைக் கண்டாரா?...இந்தக் கேள்விக்கான விடை, பரபரப்பான இந்த நாவலில், விறுவிறுப்போடு சொல்லப்பட்டுள்ளது. வாசியுங்கள்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books