Home / eBooks / Ariya Vendiya Penmanigal
Ariya Vendiya Penmanigal eBook Online

Ariya Vendiya Penmanigal (அறிய வேண்டிய பெண்மணிகள்)

About Ariya Vendiya Penmanigal :

“நாம் அறிந்து கொண்ட பெண்கள் பலர் இருப்பினும் அறிய வேண்டிய பெண்மணிகளை பற்றி அறிய இதோ! இந்த புத்தகத்தில் படியுங்கள்” என்று நான் மிகவும் மதிக்கும் எழுத்தாளர் திருமதி காந்தலஷ்மி அவர்கள் கூறிய பொழுது எனக்குள் தோன்றிய எண்ணங்களை எழுதினேன்.

அது என்ன அறிய வேண்டிய பெண்மணிகள்? நான் அறியாத பெண்மணிகளா என்ன? சரி! படித்துப் பார்ப்போம் என்று இந்த புத்தகத்தை படித்து பயன் பெறுபவர்கள் ஒரு வகை.

அட! இந்தப் புத்தகத்தில் கூறியிருக்கும் பெண்மணி போன்றுதான் என் தமக்கையும் புகைப்பட துறைக்காக போராடினாள் என்று தனக்குத் தெரிந்த பெண்மணிகளுடன் பொறுத்திப் பார்த்து பயன் பெறுபவர்களும் இருக்கின்றனர். அவர்கள் மற்றொரு வகை.

சிறு சிறு குறிப்புக்களின் தேர்ந்த கோர்வையே இந்நூல். ஆஹா! தெரிந்த கதை ஆனால் தெரியாத பெண்மணிகளைப் பற்றி ஆசிரியர் எழுதியிருக்கிறாரே என்று சிலருக்கு தோன்றக்கூடும். பயன் பெற்ற வாசகர்கள் பட்டியலில் இவர்களும் இடம் பெறுவர்.

பெண்களின் பரிமாணங்கள் எத்தனை? கணவன் வேறுவிதமாக இருப்பினும் தான் செய்து கொண்ட திருமண ஒப்பந்தத்திற்கு உண்மையாக இருந்து தன் உயிரை மாய்த்துக் கொண்ட தியாகப் பெண்மணி! தண்ணீர் கூட பருகாமல் உண்ணாவிரத நோன்பிருக்கும் வைராக்கிய சுடர்மணி! நாட்டை ஆளும் மாட்சிமை பொருந்திய குடும்பத்தில் பிறந்து அண்ணனுக்கும் தந்தைக்கும் பாலமாக இருக்க வேண்டி தன்னை 'குடத்திலிட்ட விளக்காக' அடக்கிக் கொள்ளும் குன்றின்மணி... இப்படி இன்னும் பலவாறாக இரசனையுடன் படித்து பயன் பெறலாமா...

About Kanthalakshmi Chandramouli :

சிறு வயதிலிருந்தே கதை, கட்டுரைகளில் நாட்டம் கொண்ட எழுத்தாளர் காந்தலக்ஷ்மி சந்திமெளலி. முதலில் ஆங்கிலத்தில் எழுதத் தொவங்கினார். உலக நாடுகள் பலவற்றிற்கு சென்றுள்ள இவர் தமிழில் சிறுகதைகள் எழுத துவங்கினார். "தினமணி - ஞாயிறு மணி, லேடீஸ் ஸ்பெஷல், கலைமகள், அமதசுரபி, கோகுலம் கதிர் என்று பல நேர்காணல்களுக்கான வாய்ப்புகள் பெற்ற பொழுது சாதனையாளர்களின் வாழ்க்கையை நேரடியாக காணும் வாய்ப்பு பெற்றேன்" என்கிறார். சிறுவர் இலக்கியம், நாவல்கள், குறுநாவல்கள், சிறுகதைகள் என்று பல்வேறு களங்களில் தடம் பதித்துள்ள இவர் நந்தா தீபம், சிறுவர் இலக்கிய ரத்னா, சிறந்த எழுத்தாளார், எழுத்துச்சுடர், அருள் வளர் நங்கை என்று பல விருதுகளை பெற்றுள்ளார்.

ஆங்கிலத்திலிருந்து தமிழுக்கு பல நூல்களை மொழி பெயர்த்துள்ளார். ஆங்கிலத்திலும் சில நூல்கள் எழுதியுள்ளார். வானொலி, தொலைக்காட்சி நிகழ்ச்சிகளில் பங்கேற்றுள்ளார்.

Rent Now
Write A Review

Same Author Books