Home / eBooks / Arupathumoovar
Arupathumoovar eBook Online

Arupathumoovar (அறுபத்து மூவர்)

About Arupathumoovar :

அறுபத்து மூவர் என்ற இந்த நூல் திருத்தொண்டத் தொகை கூறிய வரிசையிலேயே அமைந்துள்ளது. ‘அறுபத்து மூவரின் வரலாறு ஒவ்வொன்றிலும் ஒவ்வொரு தத்துவம் அடங்கியுள்ளது’ என்பது வள்ளலார் வாக்கு.

மிகச் சுருக்கமாக, எளிய நடையில், ஆர்வத்துடன் படிக்கக்கூடிய வகையில் நாயன்மார்களின் வரலாறுகளை ஆசிரியர் எழுதியுள்ளார். சிறியவர்களும் தாங்களாகவே படித்துப் புரிந்து கொள்ள முடியும்.

பதினான்கு வயதிலோர் இளைஞர் பெரிய புராணத்தைப் படித்தார். அவர் நாயன்மார்களைப் போல வைராக்கியத்துடன் வாழ வேண்டும் என்று விரும்பினார். அவர்தான் பின்னாளில் இரமண மகரிஷியாக உயர்ந்தார்.

அதுபோல், இந்த நூலைப் படிக்கும் ஒவ்வொருவரும் வாழ்க்கையில் மன உறுதியை மேற்கொண்டால், அவரவர் துறையில் சாதனையாளராக உயரலாம்.

About Ambai Sivan :

நூலாசிரியர் பரமசிவன் சென்னையில் பிறந்து வளர்ந்தவர். எம்.ஏ. தமிழ் படித்து முடித்துள்ளார். இவரது தந்தை அம்பை சங்கரன், தமிழ் வித்வான். பாரிமுனையில் உள்ள பச்சையப்பன் பள்ளியில் தலைமை தமிழாசிரியராக பணியாற்றி வந்தார். தமிழக அரசின் நல்லாசிரியர் விருது பெற்றவர். தமிழக புலவர் குழுவில் இடம்பெற்றவர். 15க்கு மேற்பட்ட நூல்களை எழுதியும், 10க்கு மேற்பட்ட நூல்களுக்கு உரை எழுதியும், பல்வேறு நூல்களை தொகுத்து பதிப்பித்தும் உள்ளார்.

நூலாசிரியரின் சொந்த ஊர் திருநெல்வேலி மாவட்டம் அருகிலுள்ள அம்பாசமுத்திரம். ஊரின் மீதுள்ள பற்று காரணமாக அம்பை சிவன் எனும் பெயரில் எழுதி வருகிறார். இவருக்கும் ஆனந்தவல்லி என்ற மனைவியும், சினேகா என்ற மகளும், சீனிவாசன் என்ற மகனும் உள்ளனர்.

1995-ம் காந்தளகம் பதிப்பகத்தில் பணிபுரிய தொடங்கினார். தொடர்ந்து மும்பை தமிழ் டைம்ஸ் நாளிதழ் ஆரம்பித்து விஜயபாரதம், தினகரன், தினமலர் என பல்வேறு நாளிதழ்கள், வார, மாத இதழ்கள் என 20 ஆண்டுகளுக்கு மேலாக எழுதி வருகிறார் என்பது குறிப்பிடத்தக்கது.

Rent Now
Write A Review

Same Author Books