Athisayangal! Ulaga Athisayangal!

Theni M. Subramani

0

0
eBook
Downloads3 Downloads
TamilTamil
ArticlesArticles
General KnowledgeGeneral Knowledge
Page133 pages

About Athisayangal! Ulaga Athisayangal!

உலகில் இயற்கையாகவே அமைந்த பல பகுதிகள் வியப்பிற்குரியதாய் இருக்கின்றன. மனிதன் கலைத் திறனுடன் அமைத்த பல சின்னங்கள் பல நூற்றாண்டுகளைக் கடந்தும், தொடர்ந்து வியப்பிற்குரியதாக இருந்து வருகின்றன. நீருக்கடியிலும் பல வியப்பிற்குரிய அமைப்புகள் இருக்கின்றன. மனிதன் தனது தொழிற் திறனுடன் இயற்கையை மாற்றி அமைத்த சில கட்டுமானங்களும் வியப்பிற்குடையதாய் அமைந்திருக்கின்றன. நாம் ஏதாவது ஒன்றைப் பார்த்து அல்லது கேட்டு வியப்படைந்தால் அது நமக்கு அதிசயம்தான். இந்த அதிசயங்களெல்லாம் ஏழு என்கிற எண்ணிக்கையில்தான் பட்டியலிடப்பட்டிருக்கின்றன. கால மாறுபாட்டில் பண்டைய ஏழு அதிசயங்கள், இடைக்கால ஏழு அதிசயங்கள், புதிய உலக அதிசயங்கள் என மாறுதல்களை அடைந்த போதிலும் ஏழு என்கிற எண்ணிக்கை மட்டும் தொடர்கிறது. இவைகளைப் போன்றே இயற்கை உலக அதிசயங்கள், நீருக்கடியிலான உலக அதிசயங்கள், தொழிற்திறன் உலக அதிசயங்கள் என்று அனைத்து அதிசயங்களும் ஏழு என்கிற எண்ணிக்கையிலேயே பட்டியலிடப்படுகின்றன.

தமிழில் ஏழுக்கு எப்போதும் ஒரு மதிப்பு உண்டு. ஏழு அகத்திணைகள், ஏழு இசைகள், ஏழு உலோகங்கள், ஏழு அளவைகள், ஏழு கடல்கள், ஏழு வள்ளல்கள் பெண்ணின் ஏழு பருவங்கள், ஏழு பிறப்புகள்.... என்று ஏழுக்குப் பெருமை சேர்க்கும் எத்தனையோ தகவல்களோடு ஏழு அதிசயங்களும் சேர்ந்து விடுகிறது. இந்நூலில் ஏழு அதிசயங்களுடன் உலகில் பார்க்க வேண்டிய பிற அதிசயங்களையும் சேர்த்துத் தங்கள் பார்வைக்கு நூலாக்கி வழங்கியிருக்கிறேன்.

About Theni M. Subramani:

தேனியில் சுயநிதிப் பொறியியல் கல்லூரி ஒன்றில் நிருவாக மேலாளர் மற்றும் செயலாளர் (கூடுதல் பொறுப்பு) நிலையில் பணியாற்றிய தேனி மு. சுப்பிரமணி, கல்லூரி நிருவாகத்துடன் ஏற்பட்ட கருத்து வேறுபாட்டால் அங்கிருந்து வெளியேறிய பின்பு, தமிழில் வெளியாகும் பல்வேறு இதழ்களில் எழுதி வருகிறார். ஆன்மிகம், கணினி, இணையம், கல்வி உள்ளிட்ட பல்வேறு துறைகளில் ஆயிரத்து ஐநூறுக்கும் அதிகமான கட்டுரைகளை எழுதியிருக்கிறார். இதுவரை இவர் எழுதிய பதின்மூன்று நூல்கள் வெளியாகியிருக்கின்றன. இவர் எழுதிய ‘தமிழ் விக்கிப்பீடியா’ எனும் நூலுக்குத் தமிழ்நாடு அரசின் தமிழ் வளர்ச்சித் துறையின் சிறந்த நூலுக்கான பரிசு கிடைத்திருக்கிறது என்பது இங்கு குறிப்பிடத்தக்கது. தமிழ்நாடு அரசின் தமிழ் வளர்ச்சித்துறையினால் நடத்தப்பெற்று வரும் இளந்தமிழர் இலக்கியப் பட்டறை, ஆட்சி மொழிப் பயிலரங்கம், கருத்தரங்கம் உள்ளிட்ட நிகழ்வுகளிலும், தமிழ்நாட்டிலுள்ள பல்வேறு கல்லூரிகளில் நடத்தப்பெறும் பயிலரங்கம் மற்றும் கருத்தரங்கம் உள்ளிட்ட நிகழ்வுகளிலும் கலந்து கொண்டு ‘இணையத்தமிழ்’ தொடர்பாகப் பல்வேறு பயிற்சி வகுப்புகளை நடத்தி வருகிறார்.

தேனித் தமிழ்ச் சங்கத்தின் தலைவராகவும், சென்னை, சங்கம் தமிழ் அறக்கட்டளையின் செயலாளராகவும் செயல்பட்டு வரும் இவர், 2006 ஆம் ஆண்டில் முத்துக்கமலம் (www.muthukamalam.com) எனும் பெயரில் பன்னாட்டுத் தமிழ் மின்னிதழ் (ISSN: 2454 - 1990) ஒன்றினைத் தொடங்கி, அதன் ஆசிரியராகத் தொடர்ந்து செயல்பட்டு வருகிறார். மாதமிருமுறை புதுப்பிக்கப்பட்டு வரும் முத்துக்கமலம் இணைய இதழ் குறித்து ஆய்வு செய்து இருவர் எம்.பில் பட்டங்களைப் பெற்றிருக்கின்றனர். ‘முத்துக்கமலம் இணைய இதழின் இலக்கியப் பணிகள்’ எனும் தலைப்பில் ஒருவர் மதுரை காமராசர் பல்கலைக்கழகத்தில் முனைவர் பட்டத்திற்கான (Ph.D) ஆய்வு மேற்கொண்டு வருகிறார் என்பதும் இங்கு குறிப்பிடத்தக்கது. பல்கலைக்கழக மானியக் குழுவின் தமிழ் மொழிக்கான ஆய்விதழ்களின் பட்டியலில் முத்துக்கமலம் இதழ் ஒரு ஆண்டு காலம் இடம் பெற்றிருந்தது என்பதும் இங்கு கவனிக்கத்தக்கது.

More books by Theni M. Subramani

Tamil Wikipedia
Theni M. Subramani
Indiya Dhesiya Poongakkal
Theni M. Subramani
Kerala Koyilgal Part 1
Theni M. Subramani
Kerala Koyilgal Part 2
Theni M. Subramani
Payanulla 100 Inaiyathalangal
Theni M. Subramani

Books Similar to Athisayangal! Ulaga Athisayangal!