Home / eBooks / Corporate Saamiyargal
Corporate Saamiyargal eBook Online

Corporate Saamiyargal (கார்பிரேட் சாமியார்கள்)

About Corporate Saamiyargal :

நம் நாட்டில் “கடவுள் அவதாரம்”, “நடமாடும் தெய்வம்”, “கண் முன் தோன்றும் ஆண்டவன்” போன்ற சாமியார்களுக்கு பஞ்சமே இல்லை. ஒவ்வொரு மாநிலத்தில், ஒவ்வொரு ஊரில் எதோ ஒரு சாமியார் இருக்கிறார். அவர் அருளும் அல்லது சித்துவிளையாட்டாலும் பல பக்தர்களை உருவாக்கியிருக்கிறார்கள். உலகத்தில் பல இடங்களில் தங்களுக்கென்று சீடர்களாக ஆக்கியிருக்கிறார்கள். தங்கள் பெயரை பரப்பிவதற்கு இந்த சீடர்களை பயன்படுத்தியிருக்கிறார்கள். பெரும் பண முதலைகள் என்று சொல்பவர்கள், அதிகாரத்தில் அமர்ந்தவர்கள், அரசுப்பணி உயர்ந்த இடத்தில் இருப்பவர்கள் என்று பாரபட்சமில்லாமல் கார்பிரேட் சந்நியாசிகளை தேடி வருகிறார்கள். சாமியாரின் ஆசியை பெருகிறார்கள். அவர்கள் மூலம் தங்களுக்கு தொடர்பு கிடைத்து வளரவும் தொடங்கிறார்கள்.

கார்ப்ரேட் சாமியார்களை தேடி வரும் பக்தர்களுக்கு சிறப்பு தகுதிகள் ஏதாவது இருக்க வேண்டுமா என்றால் இல்லை என்பது பதில். நன்கொடை கொடுக்கப்படும் பணத்தின் ரிஷிமூலத்தை பற்றி எப்படி ஆராயப்படுவதில்லையோ அதேப் போல் பக்தர் தகுதிகள் பற்றி ஆராயப்படுவதில்லை. சில சமயம் பிறந்த ஜாதி சாமியார்களை சந்திக்க தடையாக இருக்கலாம்.

பக்தர்கள் கொண்டு வரும் பணத்தை ஆய்வு செய்து தணிக்கை செய்து ஆராயப்படுகிறதுமில்லை.

ஏதாவது தொழிலில் மோசடி செய்து அபகரிக்கப்படும் பணம், கருப்புப்பணம், லஞ்சம் பணம், ஊழல் பணம், இன்னபிற கொள்ளைப் பணங்களும், அதன் உரிமையாளர்களான ஃபிராடு பேர்வழிகளும் தாராளமாக கார்பிரேட் சாமியார்களை சந்திக்கிறார்கள். தங்கள் நன்கொடையும் கொடுக்கிறார்கள். தங்கள் கருப்பு பணத்தை வெள்ளைப் பணமாக மாற்ற கார்ப்ரேட் சாமியார்கள் தேவைப்படுகிறார்கள்.

கார்பிரேட் சாமியார் செய்யும் காமலீலைகள் பற்றி இங்கு நாம் விவாதிக்க போவதில்லை. ஒரு பெண்ணின் சம்மதத்தோடு அவர்கள் உறவில் கொள்வது அவர்களின் அந்தரங்கம். அதை பற்றி எழுதுவதற்கு புதிதாக ஒன்றுமில்லை. பிரேமான்ந்தா, நித்யானந்தா முதல் ஆசாரம் பாபு வரை பல சாமியார்களை பற்றி பேசியாகிவிட்டது.

ஆனால், கார்பிரேட் சாமியார்கள் கண்ணோட்டத்தில் யாரும் அனுகியதில்லை. இவர்கள் பெரும்பாலும் பெண் விஷயங்களில் சிக்குவதில்லை. சிக்கினாலும் வெளியே தெரியாத அளவுக்கு அரசியல் பலம் இருக்கிறது. அரசியலில் முக்கிய முடிவுகள் எடுக்கும் அதிகாரம் இந்த கார்பிரேட் சாமியார்களிடம் இருக்கிறது. பிரேமானந்தா, நித்யானந்தா போன்றவர்கள் அரசியல் பின்பலம் இல்லாததால் மாட்டிக் கொண்டார்களோ என்று தோன்று அளவிற்கு கார்பிரேட் சாமியார்கள் தொடர்பை தெரிந்துக் கொள்ளும் பொது தெரியும்.

காமத்தில் மட்டும் ஈடுப்படும் சாமியார்களால் யாரும் எந்த பயனுமில்லை. ஆனால், கார்பிரேட் சாமியார்கள் மூலம் வரும் ஆதாயம் அதிகம். மந்திரியாக இருந்தாலும் சரி, அரசு அதிகாரியாக இருந்தாலும் சரி, பாமரனாக இருந்தாலும் சரி கார்பிரேட் சாமியாரின் தொடர்பு இருந்தால் எந்த காரியத்தை சாதிக்க முடியும். இவர்களிடம் கடவுளின் அருள் இருக்கிறதோ இல்லையோ காரியத்தை சாதிக்கும் தொடர்பு இருக்கிறது. எத்தனை சாமியார்கள் கைது செய்தாலும் வெட்ட வளருவது போலவே இவர்கள் வளர்வதற்கு இது தான் காரணம்.

சாமியார்கள் இப்படி இருக்கிறார்கள் என்று தெரிந்து பாரமர்கள் எதற்காக தேடி போகிறார்கள் என்று வியப்பாக இருக்கலாம். கிரிக்கெட்டில், தென் ஆப்பிரிக்க கேப்டனாக ஹன்ஸ் கிரோனியா, இசையில் மைக்கில் ஜாக்சன் என்று பல பிரபலங்கள் ஊழல், சர்ச்சையில் சிக்கியவர்கள் தான். ஆனால், அவர்களின் சாதனையை இல்லை என்று சொல்ல முடியாது. மறைக்கவும் முடியாது. அது போலத் தான் கார்ப்ரேட் சாமியார்கள். என்ன தான் சாமியார்கள் சர்ச்சையில் சிக்கினாலும், தங்களால் குணமடைந்ததை பக்தர்களால் மறக்க முடியாது. பக்தர்களும் நன்றியுடன் சாமியார் சர்ச்சையில் சிக்கினாலும் அவரைத் தேடி வருகிறார்கள்.

இவர்கள் இந்தியாவில் அங்கிகரிக்கப்படாத தொழில் அதிபர்கள். அம்பானி, ஆசிம் பிரேஜி, விஜய் மாலையா அளவிற்கு வியாபார சிந்தனை உடையவர்கள். எல்லா கட்சியினர்களுடன் நல்ல நட்பு முறையில் பலகுபவர்கள். பாமரனுக்கு பக்தியையும், பணம் படைத்தவனிடம் பதவி ஆசை வைத்து வளர்ந்தவர்கள். பிரபல சுயமுன்னேற்றப் பேச்சாளரான ஷிவ் கேரா செய்வதை போல் தான் பல சாமியார்கள் பேசுகிறார்கள். ஆனால், ஆன்மீகம் கலந்து இவர் பேசுவதால் மக்களுக்கு இவரை பிடித்திருக்கிறது. அதனால், உலகம் முழுக்க இவர்களுக்கு கிளைகள் வளர்வதற்கு இன்னொரு காரணம்.

இவர்களுக்கு எதிராக என்ன பேசினாலும், எதிராக செய்தாலும் அவர்களை ஒரு அடிக்கூட நம்மால் அசைக்க முடியாது. அது தான் ஆன்மீகம், அரசியல் இரண்டும் கலந்து இருக்கும் கார்பிரேட் சாமியார் என்னும் வியாபாரிகள்.

About Guhan :

32 வயதுடைய மென்பொருள் வல்லுநரான இவரது இயற்பெயர் கண்ணன். இவர் எல்லா விதமான புத்தகங்களையும் எழுதியுள்ளார். இவர் கவிதை, கட்டுரை, சிறுகதை, வரலாறு, சினிமா, நாவல் மற்றும் பல புத்தகங்களை எழுதியுள்ளார். கலீலியோ கலிலீ (வரலாறு), உறங்காத உணர்வுகள் (கவிதை), நடைபாதை (சிறுகதை), பெரியார் ரசிகன் (நாவல்) போன்ற எழுத்துக்கள் சில எடுத்துக்காட்டாகும். இவர் பெற்ற விருதுகள் Bharathi Paniselvar Award – Given by ‘All India Writer Association’ and NRK Award 2013 (1st prize in essay category )– Given by Nam Urathasinthanai for the book ‘உலகை உறையவைத்த இனப்படுகொலைகள்’

Rent Now
Write A Review