Home / eBooks / Inge Oru Shahjahan
Inge Oru Shahjahan eBook Online

Inge Oru Shahjahan (இங்கே ஒரு ஷாஜகான்)

About Inge Oru Shahjahan :

கூரியர் சர்வீஸில் கம்ப்யூட்டர் ஆபரேட்டராக பணி புரியும் பிரேமலதா, அங்கு லோடிங்மேனாக வேலை பார்க்கும் திவாகரை உள்ளூரக் காதலிக்கிறாள். தன் காதலை நேரடியாகச் சொல்லத் தயங்கி பல முறை நாசூக்காக வெளிப்படுத்துகிறாள். ஆனால், திவாகரால் அதைப் புரிந்து கொள்ள முடியாமல் போக மிகவும் நொந்து போகிறாள்.

பிரேமலதாவின் பெற்றோர் அவளுக்குத் திருமண ஏற்பாடுகளைச் செய்து விட தவிக்கிறாள். சூழ்நிலை அவள் கை மீறிப் போய் விட சுரேஷ் என்னும் பெங்களூர் மாப்பிள்ளைக்கு மனைவியாகிறாள். புகுந்த வீடு செல்லும் முன் கடைசியாக திவாகரிடம் தன் சொல்லி விட்டு, அழுது விடை பெறுகிறாள்.

சில மாதங்களுக்குப் பிறகு, சுரேஷ் என்னும் அந்த மாப்பிள்ளை போதை மருந்து கடத்தும் ஆசாமி என்பது திவாகருக்குத் தெரிய வர, அவனைக் காப்பாற்ற குற்றத்தை தான் ஏற்றுக் கொண்டு சிறை செல்கிறான் திவாகர்.

திவாகரின் அந்த தியாகத்தை தவறாகப் பேசும் சுரேஷை லதா என்ன செய்தாள்?

அவளது உண்மைக் காதல் வென்றதா?

கதையைத் திறம்பட நகர்த்தி, இறுதியில் ஒரு கவிதை போல் முடித்திருக்கின்றார் கதாசிரியர்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books