Home / eBooks / Irandam Athyaayam
Irandam Athyaayam eBook Online

Irandam Athyaayam (இரண்டாம் அத்தியாயம்)

About Irandam Athyaayam :

ஷ்யாம் தன் பரம்பரை சொத்தாக இருக்கும் வீட்டை விற்பதற்காக தன் சொந்த கிராமத்திற்குச் செல்கிறான். அங்கு எதிர்பாராத விதமாக ஒரு பெண்ணால் இவன் வாழ்வில் புயல் அடிகிறது, அந்த புயலில் இருந்து தப்பித்து கரையேறுவானா? அல்லது மாட்டிக்கொள்வானா? வாசிக்கலாம் இரண்டாம் அத்தியாயத்தில்....

About Padmini Pattabiraman :

பத்மினி பட்டாபிராமன் குறிப்புக்கள்

சென்னை தொலைக்காட்சியில் 14 வருடங்களுக்கு மேலாக நிகழ்ச்சி மற்றும் செய்தி அறிவிப்பாளராக ஏராளமான பேட்டிகள், நிகழ்ச்சித் தொகுப்புக்கள் வழங்கியிருக்கிறார். அகில இந்திய வானொலி எஃப். எம்மில் 2 வருடங்கள் செய்திகள் வாசித்திருக்கிறார். குமுதம், ஆனந்தவிகடன், கல்கி, அமுதசுரபி, குங்குமம், கலைமகள், மஞ்சரி, இலக்கியப் பீடம், லேடீஸ் ஸ்பெஷல், மங்கையர் மலர், பெண்மணி, சாவி, மங்கை, ராஜம், தாய், தமிழரசி போன்ற பல பத்திரிகைகளில் சிறுகதைகள், குறுநாவல்கள், கட்டுரைகள், தொடர்ந்து எழுதி வருகிறார்.

மஞ்சரி, ஆன்மீகம் இதழ்களில் இவர் எழுதிய பயணம் மற்றும் கோயில்கள் பற்றிய கட்டுரைகள் பிரசுரமாகி இருக்கின்றன.

கல்கியில் 16 பக்க இணைப்பு புத்தகத்தை இரண்டு முறைகள் தயாரித்திருக்கிறார். மங்கையர் மலரிலும் “இணைப்பு” புத்தகங்கள் எழுதி வருகிறார்.

அகில இந்திய வானொலியின் நாடக விழாக்களில் இவர் எழுதிய நாடகங்கள் தொடர்ந்து மூன்று ஆண்டுகள் ஒலிபரப்பாகியிருக்கின்றன.

இவரது எழுத்தில், பொதிகை தொலைக்காட்சியில், ஆர்.எம்.கே.வி நிறுவனம் வழங்கிய தொடர் “ரசிகப்ரியா” என்னும் ஒரு மணி நேர நிகழ்ச்சி. இரண்டு வருடங்கள் ஒளிபரப்பானது.

மங்கையர் மலரில் பல வருடங்களாக மருத்துவம், உடல் நலம்,தோட்டக் கலை, புகைப்படக் கலை பற்றிய தொடர் கட்டுரைகள், அறிவியல் கட்டுரைகள் எழுதி வருகிறார்.

அமுதசுரபி குறுநாவல் போட்டி, கல்கி குறுநாவல் போட்டி, சுந்தரம் ஃஃபைனான்ஸ், மைலாப்பூர் டைம்ஸ் இணந்து நடத்திய சிறுகதைப் போட்டிகளில் முதல் பரிசு, ஆனந்த விகடன் பொன்விழா கதைப் போட்டி, குமுதம் சிறுகதைப் போட்டி, கல்கி சிறுகதைப் போட்டி, இலக்கியபீடம் சிறுகதைப் போட்டி, தமிழரசி பத்திரிகையில் அமரர் எம்.ஜி.ஆர். நினைவு சிறுகதைப் போட்டி என பல போட்டிகளில் பரிசுகள் பெற்றுள்ளார்.

“மாமரத்து வீடுகள்” ,திருமதி சிவசங்கரி அவர்களாலும், “புது வெளிச்சம்” திரு. நல்லி குப்புசாமி அவர்களாலும் வெளியிடப்பட்டு பெரும் பாராட்டு பெற்றவை.

கம்ப்யூட்டர் அனிமேஷன் கிராஃபிக்ஸ்மற்றும் அறிவியல் கட்டுரைகளின் தொகுப்பான , “டிஜிட்டல் வாழ்க்கை” புத்தகத்தை, இயக்குனர் திரு.வசந்த் வெளியிட்டார்.

சென்னை அண்ணா பல்கலைக் கழகத்தில் வருகைப் பேராசிரியராக (VISITING FACULTY) 2002 ம் ஆண்டு முதல் கடந்த 14 வருடங்களுக்கு மேலாக கம்ப்யூட்டர் கிராஃபிக்ஸ், அனிமேஷன், வெப் டிசைனிங் கற்றுத்தந்தவர். அனிமேஷன் வகுப்புக்கள் எடுத்து வருகிறார்

இவரது கணவர் பட்டாபிராமன் அசோக் லேலண்ட் நிறுவனத்தில் ஏற்றுமதி பிரிவில் உயர் அதிகாரியாக பணி புரிந்துவிட்டு தற்சமயம் பேராசியராக இருக்கிறார்.

Rent Now
Write A Review

Same Author Books