Home / eBooks / Kaatril Potta Kanakku
Kaatril Potta Kanakku eBook Online

Kaatril Potta Kanakku (காற்றில் போட்ட கணக்கு)

About Kaatril Potta Kanakku :

வாழ்க்கையில் எல்லோருக்கும் பிரச்னைகள் உண்டுதான். பலரால் நமக்கு ஏற்படும் தடைகளை உடைத்து எறியும்போது, பிரச்சனைகள் கிளை பரப்புகின்றன. சில பிரச்னைகளுக்கு நாமேதான் காரணம். நான், எனது என்ற எண்ணங்கள் நமக்குள் இருக்கும் ஈகோவைத் தூண்டி விடுகின்றன என்பது நிஜம். எனக்கு ஈகோவே கிடையாது என்று சொல்லும்போதே ஈகோ இருப்பது தெரிந்துவிடுகிறது.

நேர்மை, நியாயம், சத்தியம், புறங்கூறாமை, மூடி மறைத்தல், முரணாகப் பேசுதல் போன்ற குணங்களும், பொய் பேசுதல், பிறரிடம் காட்டிக் கொடுத்தல், வன்முறையைக் கையாளுதல் போன்ற எதிர்மறைச் செயல்களும் நம் குணத்தைத்தான் காட்டுகின்றன. தவறான விஷயங்களை நியாயப்படுத்துதல், மற்றவர்களைத் துன்புறச் செய்து அந்த விஷயங்களில் மனம் களிப்படைதல் போன்ற கெட்ட குணங்களும் நம் உள்ளத்தில் மறைந்து கிடக்கின்றன. வாய்ப்பு கிட்டும் போதெல்லாம் இவை மேலெழும்பி உணர்ச்சிகளைக் கொந்தளிக்க வைக்கின்றன.

ஒவ்வொரு நாளும் நம் மனதில் குருக்ஷேத்திரப் போர்தான். இப்படிப்பட்ட உணர்ச்சிக் குவியங்கள்தான் சிறுகதைகளில், கவிதைகளில், நூல்களில் பிரதிபலிக்கின்றன. அந்த பிரதிபலிப்பு பிம்பங்கள்தான், இத்தொகுப்பில் உள்ள சிறுகதைகள்.

About Bhama Gopalan :

சென்னையில் 1943 ஆம் ஆண்டு பிறந்த இவரின் இயற்பெயர் எஸ்.கோபாலன் என்றாலும் பாட்டியின் பெயர் தாங்கிய தன் வீட்டின் பெயரைத் தன் பெயருடன் இணைத்து பாமா கோபாலன் ஆனார்.

பி எஸ் ஸி பட்டதாரி. தான் படித்த ஏ எம் ஜெயின் கல்லூரியிலேயே ரசாயனப்பிரவில் பரிசோதனைச் சாலையில் மூன்றாண்டுகள் உதவியாளராகப் பணி புரிந்தார். குரோம்பேட்டை எம் ஐடியில் ஒரு வருடம் அக்கவுன்ட்ஸ் பிரிவில் வேலை பார்த்தார். அதன் பிறகு ஒரு கட்டுமானக் கம்பெனியில் 20 வருடங்கள் பணி.

1963 ஆம் ஆண்டு பேராசிரியர் நாரண துரைக் கண்ணன் அவர்களால் ‘பிரசண்ட விகடன்‘ பத்திரிகையில் சிறுகதை எழுத்தாளராக அறிமுகம், பின்பு அமுதசுரபியிலும் குமுதத்திலும் பத்திரிகையாளராகப் பணிபுரிந்தார்.

குமுதத்தில் 13 வருடங்கள் பணி செய்து சுமார் 4000 பேட்டிக் கட்டுரைகள், 700 சிறுகதைகள், 11 நாவல்கள் மற்றும் பொதுக்கட்டுரைகள், துணுக்குகள், மற்றும் ஜோக்குகள் எழுதினார்.

தமிழ் நாட்டிலிருந்து வெளிவரும் எல்லாப் பத்திரிகைகளிலும் எழுதி வருபவர். நகைச்சுவையும் கிரைம் எழுத்தும் இவரின் சிறப்பம்சங்கள்.

Rent Now
Write A Review

Same Author Books