Home / eBooks / Kannadi Konangal
Kannadi Konangal eBook Online

Kannadi Konangal (கண்ணாடி கோணங்கள்)

About Kannadi Konangal :

கண்ணாடி கோணங்கள் - வெவ்வேறு நான்கு பெண்கள், அவர்களின் கதைகள் எனப் பெண் மனதின் உணர்வுகளைப் பேசும் சிறுகதைத் தொகுப்பு இது.

தந்தையை இழந்து வாடும் வீட்டில் தனக்கான சொத்துக்களுக்காகப் போராடும் சுமதி, வயது முதிர்ந்த காலத்தில் வெடுக்கென்று தன் ஆற்றாமையைக் கொட்டி விடும் வாசுகி, கடமைகளின் பரபரப்பும் அலுப்புமாக ஓய்வெனும் நிழலுக்கு ஏங்கி தவிக்கும் சுமித்ரா, பிள்ளைகளின் வளர்ச்சியைக் கண்டு பூரித்துப் பெருமிதம் கொண்டாலும் ஒரே ஒரு விஷயத்தில் மட்டும் வெகுண்டு போகிற ஆச்சி என இப்பெண்களின் மனதுக்குள் நிகழும் போராட்டங்களை, உணர்வுகளை இச்சிறுகதைகளின் வாயிலாக வாசித்து அறியுங்கள்.

About Hema Jay :

ஹேமா ஜெய் - தன் இளம் வயதிலிருந்து தொடரும் வாசிப்பு சுவையின் ஈர்ப்பில் 2015 முதல் தமிழில் நாவல்கள், சிறுகதைகள், கட்டுரைகள் எழுதி வருகிறார். திருமதி. லக்ஷ்மி, திருமதி. சிவசங்கரி ஆகிய மூத்த தலைமுறை எழுத்தாளர்களை ஆதர்சமாகக் கொண்டுள்ள இவர் நவீன குடும்பங்களின் சிக்கல்களை, பெண்கள் மற்றும் முதியவர்களின் உளப் பிரச்சனைகளை மையக்கருவாகக் கொண்டு மென் வாசிப்பு ஆக்கங்களாக எழுத விருப்பம் கொண்டவர். இதுவரை பத்துக்கும் மேற்பட்ட நாவல்களையும், இருபத்தி ஐந்துக்கும் மேற்பட்ட சிறுகதைகளையும் எழுதியுள்ளார். அமெரிக்காவில் இருந்து வெளியாகும் தென்றல் மாத இதழ், பல்வேறு வலைப்பூக்கள், மின்னிதழ்களில் இவரது சிறுகதைகள் மற்றும் கட்டுரைகள் வெளிவந்துள்ளன, பல படைப்புகள் முதல் பரிசு பெற்றுள்ளன.

ஒவ்வொரு கதையிலும் வித்தியாசமான கருப்பொருட்களைத் தேடி எழுதும் இவரது ஆக்கங்கள் அச்சுப்புத்தகமாக வெளிவருவதுடன் மின் புத்தகமாகவும் கிடைக்கப் பெறுகின்றன. இவரது படைப்புகள் பற்றிய உங்கள் எண்ணங்களை, நிறை குறைகளை hemajaywrites@gmail.com என்ற மின்னஞ்சல் முகவரிக்குத் தெரியப்படுத்துங்கள். உங்கள் கருத்துகளை அறிய ஹேமா ஆவலாக உள்ளார்.

Rent Now
Write A Review