Home / eBooks / Kannukku Theriyathavan Kaadhalikkiran
Kannukku Theriyathavan Kaadhalikkiran eBook Online

Kannukku Theriyathavan Kaadhalikkiran (கண்ணுக்குத் தெரியாதவன் காதலிக்கிறான்)

About Kannukku Theriyathavan Kaadhalikkiran :

அமரர் எஸ். ஏ. பி. என்னிடம் ஒரு ஆங்கில நாவலைக் கொடுத்து, 'இதை மொழிப்பெயர்த்து எழுதுங்கள் அருமையான கதை' என்று சொன்னாரானால் அது நிச்சயமாக அருமையான கதையாகத்தான் இருக்கும். ஆரம்பத்தில் பல நாட்கள் வரை இந்தக் கதை வாசகர்களிடம் எடுபடுமா என்ற சந்தேகம் ஏற்படுவதுண்டு எனக்கு. ஆனால் வாசகர்கள் அமோகமாக வரவேற்பார்கள். ஒவ்வொரு மொழிபெயர்ப்பு நாவலிலும் இந்த அனுபவத்தைப் பெற்றிருக்கிறேன். இதிலும் அப்படித்தான்.

இந்தப் புதுமையான நவீனம், விசித்திரமான கற்பனை, உங்களுக்குப் பிடித்திருந்தால் அதற்கான பெருமை அமரர் எஸ் ஏ.பி. யைத்தான் சேரும்.

- ரா.கி.ரங்கராஜன்

About Ra. Ki. Rangarajan :

ரா.கி.ரங்கராஜன் : 5.10.1927-ல் கும்பகோணத்தில் பிறந்தார் தந்தை மகாமகோபாத்தியாய ஆர்.வி. கிருஷ்மாச்சாரியார், மிகப் பெரிய சமஸ்கிருத வித்வான். ரங்கராஜன், தனது 16வது வயதில் எழுத ஆரம்பித்தார். 1946-ல் 'சக்தி' மாத இதழிலும் 'காலச்சக்கரம்' என்ற வார இதழிலும் உதவி ஆசிரியராகத் தொடர்ந்தார். 1950-ல் 'குமுதம்' நிறுவனம் சிறிது காலம் நடத்திய 'ஜிங்லி' என்ற சிறுவர் இதழில் சேர்ந்து, குமுதம் இதழில் 42 ஆண்டு காலம் உதவி ஆசிரியராகப் பணியாற்றியுள்ளார். இவர் 1500க்கும் மேற்பட்ட சிறுகதைகளும், 50 நாவல்களும், ஏராளமான கட்டுரைகளும், மொழிபெயர்ப்பு நாவல்களும் எழுதியுள்ளார். இவருடைய மூன்று நாவல்கள் திரைப்படமாக வெளிவந்துள்ளன. பல படைப்புக்கள் சின்னத்திரையிலும் இடம் பெற்றுள்ளன. ரங்கராஜன் 'சூர்யா', 'ஹம்ஸா ', 'கிருஷ்ணகுமார்', 'மாலதி', 'முள்றி', 'அவிட்டம்' - போன்ற புனைப்பெயர்களில் தரமான சிறுகதைகள், வேடிக்கை நாடகங்கள், துப்பறியும் கதைகள், குறும்புக் கதைகள், மழலைக் கட்டுரைகள், நையாண்டிக் கவிதைகள்-என பலதரப்பட எழுத்துக்களைத் தந்தவர், ஒவ்வொரு புனைப் பெயருக்கும் - நடையிலோ, கருத்திலோ, உருவத்திலோ எதுவம் தொடர்பு இல்லாமல் தனித்தனி மனிதர்போல் எழுதிய மேதாவி. இந்தப் பல்திறமைக்கு ஒரே ஒரு முன்னோடி தான் உள்ளர்.

- கல்கி


'ரங்கராஜன் ஒரு கர்ம யோகி, குமுதம் ஸ்தாபன விசுவாசம், ஆசிரியர் எஸ்.ஏ.பி. மேல் பக்தி, கிடைத்தது போதும் என்கிற திருப்தி, சக எழுத்தாளர்கள் மேல் பொறாமையற்ற பிரிவு, நேசம், வெள்ளைச் சட்டை, வெள்ளை வேட்டி, நண்பர்களைக் கண்டால் கட்டியணைத்து முதுகில் ஒரு ஷொட்டு-இவைதான் இவருடைய சிறப்புகள்'.

- சுஜாதா

Rent Now
Write A Review

Same Author Books