Home / eBooks / Malarukku Thendral Pagaiyanal…
Malarukku Thendral Pagaiyanal… eBook Online

Malarukku Thendral Pagaiyanal… (மலருக்கு தென்றல் பகையானால்…)

About Malarukku Thendral Pagaiyanal… :

என் கண்ணின் மணியான வாசகர்களுக்கு பணிவான வணக்கம். மறுபடியும் உங்களை சந்திக்க வந்திருப்பதில் மகிழ்ச்சி அடைகிறேன்.

வித்தியாசமான, விழிப்புணர்ச்சியை, ஏற்படுத்தப் போகிற கருவை.... மையமாக வைத்து நான், தந்திருக்கும் இந்த நாவலை சிறந்த ரசிகத் தன்மை கொண்ட நீங்கள் மனப்பூர்வமாக ஏற்பீர்கள் என்பது என் நம்பிக்கை.

இந்நாவலில் வருகிற உதயா மாதிரி ஒளிமதி மாதிரி.... தைரியமும், தன்னம்பிக்கையும் நிறைந்த பெண்கள் நூறாயிரம் பேர் உருவாக வேண்டும். அவர்களால் மட்டுமே சமுதாய அவலங்களை ஒழிக்க முடியும்...... அருமை தெரியாமல் புழுதியில் கிடக்கிற பொன் வீணைகளை சுருதி பிசகாமல் மீட்டமுடியும்.

தன் சுயநலத்திற்காக பொய் மேல் பொய்யாக சொல்லி ஒரு அப்பாவி பெண்ணின் வாழ்க்கையையே கேள்விக்குறியாக்கிய சரண் போன்ற ஆண்களும், உண்மை எது பொய் எது என அறியாமல் அவசரத்தில் பிறர் மனதை காயப்படுத்துகிற அன்பரசி போன்ற பெண்களும் இந்நாவலை படித்த பிறகாவது திருந்த வேண்டும். கதையின் முடிவில் உதயா எடுத்த முடிவு சரிதானா? என வாசித்து விட்டு சொல்லுங்கள். நன்றி.

மீண்டும் சந்திப்போம்

மகேஷ்வரன்.

About Maheshwaran :

தமிழ்நாட்டின் முன்னனி எழுத்தார்களுல் என்னையும் ஒருவனாய் கொண்டாடும் வாசக உள்ளங்களுக்கு பனிவான வணக்கம். உங்கள் இதயத்தில் எனக்கென ஒரு இடத்தை தந்திருக்கும் அனைவரையும் வணங்கி மகிழ்கிறேன். நன்றி.

இந்த இடத்தைத்தொட நான் பட்ட சிரமங்கள் கொஞ்சமல்ல. என் பதினேழு வயதில் எழுத்து பயணம் தொடங்கியது. தற்போது 45 வயதாகிறது. இந்த இருபத்தியெட்டு வருடங்களில் 500க்கும் மேற்ப்பட்ட சிறுகதைகள் மற்றும் 400 நாவல்கள் வரை எழுதிவிட்டேன்.

குமுதம் வைரமோதிரம் சிறுகதைப் போட்டியில் முதல் பரிசு, குமுதம் லட்ச ரூபாய் சிறுகதைப் போட்டியில் முதல் பரிசு, தேவி வார இதழ் நாவல் போட்டியில் முதல் பரிசு, கண்மணி நாவல் போட்டியில் பரிசு, இலக்கிய சிந்தனை விருது, விகடன், கல்கி இதழ்களில் பரிசு என ஏராளமானப் பரிசுகளை வாங்கியிருக்கிறேன். அனைத்து இதழ்களிலும் எனது படைப்புகள் வெளியாகிருக்கிறது.

வாசிப்பதன் மூலம் மனம் ஒரு நிலைப்படுகிறது. வாசிக்கிறபோது தங்கள் கவலைகளை மறந்து வேறொரு உலகத்திற்க்கு செல்கிறார்கள். எனது நாவல்களை வாசிக்கிறபோது விறுவிறுப்பான திரைப்படத்தைப் பார்ப்பது போல காட்சிகள் கண்களுக்குள் விரியும். முடிக்கும் வரை கீழே வைக்க மாட்டார்கள். காதல் ஆகட்டும், குடும்பம் ஆகட்டும், அமானுஷ்யம் ஆகட்டும், வாசிக்கும் கண்களுக்கு சலிப்பு ஏற்பட்டு விடக்கூடாது. தரமான படைப்புகளை படைப்பதே எனது நோக்கம். வாழ்த்துங்கள், வளர்கிறேன்!! உங்கள் விமர்சனங்கள் என்னை மேலும் வலுவூட்டும்.

மிக்க அன்புடன்
மகேஷ்வரன்

Rent Now
Write A Review

Same Author Books