Home / eBooks / Mr And Mrs Pei
Mr And Mrs Pei eBook Online

Mr And Mrs Pei (மிஸ்டர் அண்ட் மிசஸ் பேய்)

About Mr And Mrs Pei :

ஆனந்தராஜ், திருமுருகன், விஜயசந்தர் மூவரும் பல வியாபாரங்கள் செய்து நஷ்டமடைந்தவர்கள். கடைசி முயற்சியாய் ஒரு ரெஸ்டாரெண்ட் ஆரம்பிக்க முயற்சியெடுக்கின்றனர். அதை வித்தியாசமாக செய்யும் விதமாய் ரெஸ்டாரெண்டை ஒரு பேய் மாளிகை போல் டெக்கரேட் செய்து, உள்ளே செயற்கையாக பல அமானுஷ்ய காட்சிகளை அரங்கேற்றுகின்றனர்.

எலும்புக் கூட்டு உருவத்தில் சர்வர்கள், ரத்தக்காட்டேரி வேடத்தில் சமையல்காரர்கள், பாதி எரிந்த பிணம் போன்ற மேக்கப்பில் ஒருவன் செய்யும் சேட்டைகள், அவ்வப் போது அந்தரத்தில் மிதந்து செல்லும் ரத்தம் சொட்டும் மனிதக் கை, உணவைப் பரிமாறும் போதே கழன்று விழும் எலும்புக் கூட்டு சர்வர் தலை, என கிராபிக்ஸ் வேலைகளைப் போட்டு பிரபலமாகின்றனர்.

வியாபாரம் படு சூடாகி, பணம் கொட்டோ கொட்டென்று கொட்டும் நேரத்தில் அங்கு உண்மையான ”பெண் பேய்” ஒன்று ஊடுருவுகிறது.

திருமுருகனைக் காதலிக்கும் அந்தப் பெண் பேய் அவனுக்கு பல நன்மைகளைச் செய்கிறது.

இறுதியில் தன் பேய்க் காதலியை திருமுருகன் கைப்பிடிக்கிறான்.

எப்படி சாத்தியம்?

பேய்க்கும் மனிதனுக்கும் இடையிலான காதல் ஜெயிக்குமா?

நாவலைப் படியுங்க…

பயமில்லாமல்!

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books