Home / eBooks / Mugathirai…
Mugathirai… eBook Online

Mugathirai… (முகத்திரை…)

About Mugathirai… :

கதையின் நாயகன் : ப்ரதீப்குமார். நாயகி : நந்தினி.

வழக்கமாக, ஐ.பி.எஸ் ஆபீசர் என்றாலே, ஆண்களைத்தான் நாம் கற்பனை செய்கிறோம். அதிலும், காக்கி உடையை..., ஆண்களுக்கான ஒரு மிடுக்குடனும், நிமிர்வுடனுமே ஒப்பிட்டுப் பார்க்கிறோம்.

இந்த வழக்கத்தில் இருந்து கொஞ்சம் மாற்றி..., நம் கதாநாயகிக்கு இந்த உடையை அணிவித்து, கம்பீரத்தைக் கொடுத்து அழகு பார்த்தால்.......? இந்த எண்ணத்தில் உதயமானதுதான் இந்த "முகத்திரை".

நந்தினியின் நிமிர்விற்கும், இறுக்கத்துக்கும் என்ன காரணம்...? அனைவரையும் ஏன் தன்னைவிட்டு அகற்றியே வைக்கிறாள்....? அவளை நேசிக்கும் ப்ரதீப் யார்...? அவளிடம் தன் நேசத்தை அவனால் சொல்ல முடியுமா?

அவளது பிடிவாதத்தை..., அவள் முகத்தில் அணிந்திருக்கும் முகத்திரையை..., இறுக்கத்தை அவனால் அகற்ற முடியுமா....? அதற்கு அவள் அவனை அனுமதிப்பாளா....?

விடையைக் கதையில் தெரிந்து கொள்ளுங்கள்.

About Infaa Alocious :

கன்னியாகுமரி மாவட்டத்தில் உள்ள நாகர்கோவில் என்ற ஊரில் பிறந்த நான், சிறு வயது முதலே வாசிப்பில் மிகுந்த ஈடுபாட்டுடன் இருந்தேன். சிறுகதைகள், கவிதைகள் பக்கம் இருந்த என் கவனத்தை, எங்கள் ஊரில் இருந்த நூலகம், நாவல் பக்கம் திருப்பியது.
கல்லூரிப் படிப்பு, வேலை, திருமணம் என என் வாழ்வின் ஒவ்வொரு கட்டத்திலும், புத்தகம் எனக்கு உற்ற தோழியாக இருந்தது மட்டும் உண்மை. ஒரு கட்டத்தில், எனக்குள் இருந்த எழுத்தார்வம் தலை தூக்க, என் வாழ்க்கைத் துணைவரின் ஒத்துழைப்போடு என் எழுத்துப் பயணம் இனிதே துவங்கியது. இப்பொழுதுதான் துவங்கியதுபோல் இருந்த என் எழுத்துப் பயணத்தில்..., ஒவ்வொரு கதையையும் என் முதல் கதையாகவே கருதி எழுதுகிறேன். ஒவ்வொரு கதையின் கருவை தேர்ந்தெடுப்பதும், அதை சுற்றிய என் கற்பனையை விரிவு படுத்துவதிலும், ஒரு தனி கவனம் செலுத்தியே என் படைப்புக்களை படைக்கின்றேன்.
என் வாசிப்பு ரசனை எப்பொழுதும் பொழுதுபோக்கு சார்ந்ததாகவே இருக்கும். எனவே என் படைப்புக்களும் சிறந்த பொழுதுபோக்கு அம்சம் நிறைந்ததாகவே இருக்கும்.
புத்தக வடிவில் உரு மாறிய என் கதைகள், அடுத்த கட்டமாக மின்நூல்களாக உங்கள் வீட்டுக்கு வருவதை எண்ணி மிகுந்த சந்தோஷமடைகிறேன். ‘புஸ்தக்’ நிறுவனத்தோடான என் பயணம் இனிமையாக இருக்கும் என எண்ணுகிறேன். என் படைப்புக்களை வாசிக்கும் நீங்களும், உங்கள் கருத்துக்கள், நிறைகள், குறைகள் என அனைத்தையும் என் infastories@gmail.com என்ற முகவரிக்கு தெரியப்படுத்துங்கள். உங்கள் கருத்துக்களை அறிய ஆவலாக காத்திருக்கிறேன்.

Rent Now
Write A Review

Rating And Reviews

  Ramaprabha

Very nice

  Ramaprabha

Very nice