Home / eBooks / Ootha Colouru Helmet!
Ootha Colouru Helmet! eBook Online

Ootha Colouru Helmet! (ஊதா கலரு ஹெல்மெட்!)

About Ootha Colouru Helmet! :

கல்லூரி மாணவர் தலைவர் தேர்தலில், ரவுடி மாணவனான பச்சீஸ்வரன், மந்திரி மகனை எதிர்த்து நின்று வெல்கிறான். மாணவர்களின் பல்வேறு கோரிக்கைகளுக்காக பேராசிரியர்களுடனும், கல்லூரி நிர்வாகத்துடனும் அடிக்கடி மோதுகிறான். பிரின்ஸிபாலுடன் நேரடியாக மோதி அவரது வெறுப்பையும் சம்பாதிக்கிறான். அவனது தொந்தரவு தாங்க முடியாத ஒரு பேராசிரியர் தன் வேலையையே ராஜினாமா செய்து விட்டு, ஊரை விட்டே போகிறார்.

அவனைச் சுற்றி எதிரிகளின் எண்ணிக்கை நாளுக்கு நாள் அதிகரித்துக் கொண்டே போகின்றது.

இந்தச் சூழ்நிலையில், அவனைக் கொல்லப் போவதாக அவனது ஹாஸ்டல் அறைக்குள் ஒரு கடிதம் வந்து விழுகின்றது. அந்தக் கடிதத்தை எழுதியது யார்? என்பதைக் கண்டுபிடிக்க அவனும் அவனது சகாக்களும் முயற்சி செய்கின்றனர்.

ஒரு நாள், யாரும் எதிர்பாராத விதமாய் பச்சீஸ்வரன் சாலையோர மரத்தில் தூக்கில் தொங்குகிறான். அவன் தலையில் ஊதா நிற ஹெல்மெட் மாட்டப்பட்டிருக்கின்றது.

அது கொலையா?....தற்கொலையா?...கொலையென்றால் கொலையாளி யார்? என்பதை போலீஸ் துப்பறியும் விதத்தை மிகவும் சுவாரஸியமாக, ஒரு திரைப்படம் போல் கொண்டு சென்றிருக்கின்றார் நாவலாசிரியர்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books