Home / eBooks / Paaraikkul Panneer Pushpam
Paaraikkul Panneer Pushpam eBook Online

Paaraikkul Panneer Pushpam (பாறைக்குள் பன்னீர் புஷ்பம்)

About Paaraikkul Panneer Pushpam :

" பாறைக்குள் பன்னீர் புஷ்பம்" என்னும் இச்சிறுகதை தொகுப்பில் மொத்தம் 20 சிறுகதைகள் இடம் பெற்றுள்ளன.

இத்தொகுப்பில் பல்வேறு கதைகள் இடம் பெற்றிருந்தாலும், குடும்பக் கதைகளே அதிகம் இடம் பெற்றிருக்க காரணம், பொதுவாகவே படிக்கும் வாசகர்களுக்கும், கதாசிரியனுக்கும் இடையில் ஒரு நெருக்கமான உறவை ஏற்படுத்தக்கூடியவை குடும்பக்

கதைகளே என்பது என் தனிப்பட்ட கருத்து.

இத்தொகுப்பில் இடம்பெற்றுள்ள "தாய்ப்பால் பிச்சை" என்னும் சிறுகதை மதுரை, அதிதி டிரஸ்ட் நடத்திய "எம்.வி.வெங்கட்ராமன் சிறுகதைப் போட்டி"யில் முதல் பரிசு வென்ற கதை. மேலும், " இன்னொரு சம்ஹாரம் "சிறுகதை சென்னை " இலக்கிய பீடம்" மாத இதழ் நடத்திய சிறுகதைப் போட்டியில் பரிசு பெற்ற கதை.

பொதுவாகவே ஒரு கதையின் வெற்றி என்பது, படித்து முடித்த வாசகனின் நெஞ்சில் சில நிமிடங்களாவது நின்று, அவனை கொஞ்சம் அசை போட வைத்தால் அதுவே வெற்றி. இத்தொகுப்பில் இடம்பெற்றுள்ள என் கதைகள் நிச்சயமாக வாசகனின் மனதில் நிற்கும் என நம்புகிறேன்.

இவண்

முகில் தினகரன்

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books