Home / eBooks / Pesum Kanitham
Pesum Kanitham eBook Online

Pesum Kanitham (பேசும் கணிதம்)

About Pesum Kanitham :

கணிதமேதைகளின் வரலாறுகளை எப்போதும் படிக்கும் பழக்கம் என்னிடமுண்டு. அதனை வகுப்பறையில் பகிர்ந்து கொள்ளும் போது தான் பெரும்பாலான மாணவர்களுக்கு கணிதமேதைகளின் வரலாறு தெரியவில்லை என்று தெரிந்தது .

குறிப்பாக தமிழ் வழி கல்வி பயின்ற மாணவர்களுக்கு வரலாறுகள் சென்று சேரவில்லை என்பதனை நான் அறிந்து கொண்டேன் .

இதற்கு முதன்மை காரணமாக பெரும்பாலான கணித வரலாற்று புத்தகங்கள் வெளிவந்திருந்தாலும் அவை ஒரு கட்டுரை வடிவில் இருந்ததுதான் என்பதை கண்டறிந்தேன் .

கணிதமேதைகளின் வரலாறுகளை தமிழில் கதைகளாக தொகுக்க வேண்டும் என்று முடிவெடுத்தேன் . இதன் விளைவுதான் பேசும் கணிதம் என்னும் இப்புத்தகம் . இந்த புத்தகமானது, கணிதவியல் அறிஞர்கள் தங்கள் வாழ்வில் எப்படி கணிதத்தினை பயன்படுத்தி வாழ்க்கையை ரசித்தும் கணிதத்தினை ருசித்தும் வாழ்ந்ததார்கள் என்பதனை அவர்களின் வாழ்கை நிகழ்வுகள் மூலம் பேசும் கணிதம் என்ற தலைப்பில் தயாரிக்கப்பட்டுள்ளது . இதனை படிப்பதன் மூலம் கணிதவியல் ஆர்வம் பெருகும் மற்றும் கணிதத்தின் வரலாற்றையும் அறியமுடியும் .

இப்புத்தகமானது குறிப்பாக குழந்தை களுக்காகவே தயாரிக்கப்பட்டுள்ளது . இப் புத்தகமானது

கணிதத்தின் வரலாற்றினை கூறும் ஒரு கதை புத்தகமாகும் . இதனை குழந்தைகள் படிப்பதன் மூலம் இளமையிலேயே அவர்களுக்கு கணித ஆர்வம் தாய்மொழில் தூண்டப்படும் .

இப்புத்தகம் எழுத எனக்கு மிகவும் துணையாகவும் , பக்க பலமாகவும் இருந்த என்னுடைய மனைவி திருமதி கனிமொழி பிரபாகரன் அவர்களுக்கு இதனை சமர்ப்பிக்கிறேன்.

கணித்தாச்சாரியார்

முனைவர்.இரா.பிரபாகரன்

About Dr. R. Prabakaran :

முனைவர்.இரா. பிரபாகரன் அவர்கள் கோவை தொழில் நுட்பக்கல்லூரியில் கணிதவியல் துறையில் உதவிப் பேராசிரியராகவும் நாட்டு நலப்பணி திட்ட அலுவலராகவும் பணி புரிந்து வருகிறார்.

கணிதத்தினை கதைகள் மூலம் நடத்துவதில் வல்லவர்.சிறந்த இந்தியன் விருது, மனிதநேய மாமணி விருது, சுவாமி விவேகானந்தர் விருது,கவிதென்றல் என பல்வேறு விருதுகளையும் பெற்றுள்ளார்.

இந்தியாவின் பல்கலைக் கழகமானியக் குழுவிடமிருந்து நிதியுதவி பெற்று கணிதவியல் துறையில் பல்வேறு ஆராய்ச்சிகளை மேற்கொண்டுள்ளார். பண்டைய தமிழர்களின் கணித திறன்கள், இந்தியர்களின் புராணங்களில் புதைத்துள்ள கணித புதையல்களை மீட்டெடுக்கும் முயற்சியில் ஈடுபட்டுள்ளார்.

மத்திய அரசின் புதிய கல்விக்கொள்கையின் படி அந்தந்த மாநிலங்களின் மொழிகளில் பொறியியல் கல்வி அமல்படுத்துவதில், இந்திய அரசின் அகில இந்திய தொழில் நுட்பக்கழகத்தின் சார்பில் அண்ணா பல்கலை கழக பொறியியல் கணிதம் இரண்டாம் பருவத்திற்காக மொழிபெயர்ப்பாளராக நியமிக்கப்பட்டுள்ளார்.

அறிவியல் மற்றும் கணித நூல்களை தமிழ் மொழியில் மொழி பெயர்த்து தமிழினை ஒரு அறிவியல் செம்மொழியாக்க வேண்டும் என்ற நோக்கத்தோடு அறிவியல் தமிழ் மொழிபெயர்ப்பு இயக்கத்தினை நடத்தி வருகின்றார்.

தமிழ் வழி பயிலும் பள்ளி மாணவர்களுக்கு அறிவியல் மற்றும் கணிதவியல் கருத்துக்களை கொண்டுசேர்க்கும் பொருட்டு கணிதவாணி என்னும் மாத இதழினை நடத்திவருகிறார்.

Rent Now
Write A Review

Same Author Books