Home / eBooks / Phone Off Pannittu Pesu!
Phone Off Pannittu Pesu! eBook Online

Phone Off Pannittu Pesu! (போன் ஆஃப் பண்ணிட்டு பேசு!)

About Phone Off Pannittu Pesu! :

வாசிப்பது என்பது தனி சுகம். தரமான சிறுகதைகளை இனம் கண்டு தொடர்ந்து படிப்பது கொடுப்பினை. இதே மாதிரி எழுதுவது என்பதும் சுகம். மற்றவர்களின் கவனத்தை இழுத்துப் படிக்கவைப்பது எளிதான காரியம் அல்ல. படிப்பவர்கள் வேறு வேறு ரகத்தினராக இருப்பார்கள். அவர்களின் உணர்ச்சிகள் பலதரப்பட்டவை. சிந்திக்க வைக்கும் எழுத்துக்கள், சோகத்தை வரவழைக்கும் கதைகள், ஆத்திரமூட்டும் கற்பனைகள் இப்படிப் பலவகையானவை சிறுகதைகள் மூலம் அறியப்படலாம்.

ஆனால்-

ஆனந்தத்தைத் தரும், சிரிப்பூட்டும் கதைகள் என்றால் பெரும்பாலும் எல்லாரையும் ஈர்க்கும். படித்த கதைகளை அல்லது சிறுசிறு பகுதிகளைச் சொல்லி, தான் அடைந்த சந்தோஷத்தைப் பகிர்ந்து கொண்டால் மகிழ்ச்சி இரண்டு மடங்காகும். துக்கத்தைப் பகிர்ந்து கொண்டால், அது பாதியாகக் குறையும் என்பார்கள்.

About Bhama Gopalan :

சென்னையில் 1943 ஆம் ஆண்டு பிறந்த இவரின் இயற்பெயர் எஸ்.கோபாலன் என்றாலும் பாட்டியின் பெயர் தாங்கிய தன் வீட்டின் பெயரைத் தன் பெயருடன் இணைத்து பாமா கோபாலன் ஆனார்.

பி எஸ் ஸி பட்டதாரி. தான் படித்த ஏ எம் ஜெயின் கல்லூரியிலேயே ரசாயனப்பிரவில் பரிசோதனைச் சாலையில் மூன்றாண்டுகள் உதவியாளராகப் பணி புரிந்தார். குரோம்பேட்டை எம் ஐடியில் ஒரு வருடம் அக்கவுன்ட்ஸ் பிரிவில் வேலை பார்த்தார். அதன் பிறகு ஒரு கட்டுமானக் கம்பெனியில் 20 வருடங்கள் பணி.

1963 ஆம் ஆண்டு பேராசிரியர் நாரண துரைக் கண்ணன் அவர்களால் ‘பிரசண்ட விகடன்‘ பத்திரிகையில் சிறுகதை எழுத்தாளராக அறிமுகம், பின்பு அமுதசுரபியிலும் குமுதத்திலும் பத்திரிகையாளராகப் பணிபுரிந்தார்.

குமுதத்தில் 13 வருடங்கள் பணி செய்து சுமார் 4000 பேட்டிக் கட்டுரைகள், 700 சிறுகதைகள், 11 நாவல்கள் மற்றும் பொதுக்கட்டுரைகள், துணுக்குகள், மற்றும் ஜோக்குகள் எழுதினார்.

தமிழ் நாட்டிலிருந்து வெளிவரும் எல்லாப் பத்திரிகைகளிலும் எழுதி வருபவர். நகைச்சுவையும் கிரைம் எழுத்தும் இவரின் சிறப்பம்சங்கள்.

Rent Now
Write A Review

Same Author Books