Home / eBooks / Poochiyathin Arasan
Poochiyathin Arasan eBook Online

Poochiyathin Arasan (பூச்சியத்தின் அரசன்)

About Poochiyathin Arasan :

வரலாறு தெரிந்தவர்கள்தான் வரலாறுகளை படைக்கமுடியும், வரலாற்றினைபற்றிபேசமுடியும். குறிப்பாக அறிவியல் மற்றும் கணிதவியல் துறையில் அவைகளை பற்றிய வரலாறுகள் பெரும்பாலும் ஆய்வுகளுக்கு தேவைப்படுகின்றன.

அந்தவகையில் பேராசிரியர் இரா. பிரபாகரன் அவர்கள் எழுதிய பேசும் கணிதம் என்ற நூல் மிகவும் முக்கியமானது. கணிதமேதை ஸ்ரீனிவாச ராமானுஜம் அவர்கள் வாழ்க்கையில் நடந்த சுவையான நிகழ்வுகளின் தெளிவான முதல் தமிழ்நூல் என்பது குறிப்பிடத்தக்கது.

நான் நிறைய கணிதவியல் கதை புத்தகங்களை படித்திருக்கிறேன். அதிலிருந்து பேசும் கணிதம் என்ற கதைபுத்தகம் வேறுபட்டது. இதில் நிறைய கதைகள் தெளிவாக கொடுக்கப்பட்டுள்ளது. அதுமட்டுமல்லாதது என்னவென்றால் இதுவரை வெளிவராத ஸ்ரீனிவாச ராமானுஜம் அவர்கள் பற்றிய புதியகதைகள் இந்த புத்தகம் மூலம் வெளி உலகத்திற்கு கொண்டு வரப்பட்டுள்ளது. இதனை பள்ளி மாணவர்கள் படிக்கும் போது கணிதவியல் அறிஞர்கள் தங்கள் வாழ்க்கையில் கணிதத்தினை எவ்வாறு பயன்படுத்தி இருக்கிறார்கள் என்பதினை அவர்கள் அறிய முடியும்.

அந்த வகையில் இந்த புத்தகத்தினை ஒரு குழந்தைகளுக்கான கணித சிறுகதை இலக்கியம் என்று கூட சொல்லலாம். கொக்குஎப்படிபறக்கும்?, சர்வரிடம் கணக்கு புதிர், சிரிப்புதான் பதில், நட்புக்கான எண்களின் கோட்பாடு, பம்பாயிலிருந்து லண்டனுக்கு நேர்கோடு போன்ற கதைகளெல்லாம் என்னை வியப்பின் உச்சிக்கு கொண்டு சென்றன. இதுபோன்ற கதைகள் மாணவர்களின் பாடப்புத்தகத்தில் கட்டாயமாக இடம் பெற்றால்தான் கணிதவியல் வரலாறு அனைவருக்கும் போய் சேரும்.

இந்நூல் கல்வித்துறையில் உரியவர்களிடம் எடுத்து செல்லப்பட்டு பாடநூல்களில் சேர்க்கப்படவேண்டும் என்பது என்விருப்பம் இதுபோன்ற கணித உண்மைகளை வாழ்வியல் உண்மையோடு சேர்த்து தாய்மொழியில் நிறைய புத்தகங்களை நண்பர் கணிதாச்சாரியார். முனைவர்.ரா. பிரபாகரன் அவர்கள் எழுதவேண்டும் என்று கேட்டுக்கொள்கிறேன்.

முனைவர் .V. வினோபா

துறைத்தலைவர்

முதுகலை மற்றும் ஆராய்ச்சி கணிதவியல் துறை

குந்தவை நாச்சியார் அரசினர் மகளிர் கலைக்கல்லூரி

தஞ்சாவூர்.

About Dr. R. Prabakaran :

முனைவர்.இரா. பிரபாகரன் அவர்கள் கோவை தொழில் நுட்பக்கல்லூரியில் கணிதவியல் துறையில் உதவிப் பேராசிரியராகவும் நாட்டு நலப்பணி திட்ட அலுவலராகவும் பணி புரிந்து வருகிறார்.

கணிதத்தினை கதைகள் மூலம் நடத்துவதில் வல்லவர்.சிறந்த இந்தியன் விருது, மனிதநேய மாமணி விருது, சுவாமி விவேகானந்தர் விருது,கவிதென்றல் என பல்வேறு விருதுகளையும் பெற்றுள்ளார்.

இந்தியாவின் பல்கலைக் கழகமானியக் குழுவிடமிருந்து நிதியுதவி பெற்று கணிதவியல் துறையில் பல்வேறு ஆராய்ச்சிகளை மேற்கொண்டுள்ளார். பண்டைய தமிழர்களின் கணித திறன்கள், இந்தியர்களின் புராணங்களில் புதைத்துள்ள கணித புதையல்களை மீட்டெடுக்கும் முயற்சியில் ஈடுபட்டுள்ளார்.

மத்திய அரசின் புதிய கல்விக்கொள்கையின் படி அந்தந்த மாநிலங்களின் மொழிகளில் பொறியியல் கல்வி அமல்படுத்துவதில், இந்திய அரசின் அகில இந்திய தொழில் நுட்பக்கழகத்தின் சார்பில் அண்ணா பல்கலை கழக பொறியியல் கணிதம் இரண்டாம் பருவத்திற்காக மொழிபெயர்ப்பாளராக நியமிக்கப்பட்டுள்ளார்.

அறிவியல் மற்றும் கணித நூல்களை தமிழ் மொழியில் மொழி பெயர்த்து தமிழினை ஒரு அறிவியல் செம்மொழியாக்க வேண்டும் என்ற நோக்கத்தோடு அறிவியல் தமிழ் மொழிபெயர்ப்பு இயக்கத்தினை நடத்தி வருகின்றார்.

தமிழ் வழி பயிலும் பள்ளி மாணவர்களுக்கு அறிவியல் மற்றும் கணிதவியல் கருத்துக்களை கொண்டுசேர்க்கும் பொருட்டு கணிதவாணி என்னும் மாத இதழினை நடத்திவருகிறார்.

Rent Now
Write A Review

Same Author Books