Home / eBooks / Poovizhi Vaasalile!
Poovizhi Vaasalile! eBook Online

Poovizhi Vaasalile! (பூவிழி வாசலிலே!)

About Poovizhi Vaasalile! :

வீடு வீடாக சென்று பொருட்களை விற்கும் சேல்ஸ் கேர்ள் மதுமிதா. வெளியூரிலிருந்து வந்து நகரத்தில் லேடீஸ் ஹாஸ்டலில் தங்கியுள்ளாள். அவளது சேல்ஸ் டீம் லீடருக்கு அவள் மீது ஒரு கண். பலமுறை அவளிடம் அசிங்கமாய் வழிந்து அவமானப்பட்டிருக்கிறான். அதன் காரணமாய் அவளைப் பழி வாங்கும் நோக்கத்தோடு மோசமான கல்லூரி மாணவர்கள் அதிகம் தங்கியிருக்கும் தெருவிற்கு அவளை வியாபாரம் செய்ய அனுப்புகிறான். அவள் மறுக்க, “அப்படியென்றால் என்னைக் கொஞ்சம் அட்ஜஸ்ட் பண்ணு” என்கிறான்.

அவனை முறைத்து விட்டு, தைரியமாய் அந்த தெருவிற்குச் செல்கிறாள். அங்கு ஒரு வீட்டில் இருந்த நடுத்தர வயதுக்காரர், தன் மனைவியிடம் கேட்க, “அவள் மொத்தப் பொருட்களையும் வாங்கிக் கொள்ளுங்கள்” என்கிறாள். அவரும் அதே போல் செய்கிறார். அவள் மேற் கொண்டு எந்த வீட்டிற்கும் செல்லாமல் திரும்புகிறாள். டீம் லீடர் தொடர்ந்து அவளை அதே தெருவிற்கு அனுப்ப ஒவ்வொரு முறையும் அந்த நடுத்தர வயதுக்காரர் மனைவியின் சம்மதத்தோடு மொத்தப் பொருட்களையும் வாங்கிக் கொள்கிறார்.

ஒரு நாள் வேறொருத்தர் மூலமாக அந்த நடுத்தர வயதுக்காரரின் மனைவி இறந்து ஒன்றரை வருடமாகிறது, என்னும் தகவலைத் தெரிந்து கொண்டு கோபமாக வருகிறாள் மதுமிதா. அடுத்த நடந்த அனைத்துமே படிப்பவர்களை புருவம் உயர்த்தச் செய்யும்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books