Home / eBooks / Saathan Sollai Thattu
Saathan Sollai Thattu eBook Online

Saathan Sollai Thattu (சாத்தான் சொல்லைத் தட்டு)

About Saathan Sollai Thattu :

முத்தான இருபது சிறுகதைகளை உள்ளடக்கிய தொகுப்பு “சாத்தான் சொல்லைத் தட்டு” என்னும் இச்சிறுகதை தொகுப்பு. “கெடுவான் கேடு நினைப்பான்” என்னும் பழமொழியின் அடிப்படையில் உருவான சிறுகதையே சாத்தான் சொல்லைத் தட்டு என்னும் சிறுகதை. யதார்த்தமான ஒரு சிறிய நிகழ்ச்சியைக் கருவாய் எடுத்து, அதில் ஒரு செறிவான கருத்தைப் பதார்த்தமாக்கிய கதை. எனவேதான், இத்தொகுப்பிற்கே அந்த தலைப்பு வைக்கப்பட்டது.

பல வெகுஜன இதழ்களில் ஏற்கனவே பிரசுரமான கதைகளாய் இருந்த போதிலும், ஒரு தொகுப்பாய் உருவாக்கி வாசிக்கும் போது, நிறைவான விருந்தை, மனநிறைவோடு அருந்தினாற் போலிருக்குமல்லவா?

இதில் இடம்பெறும் “கொய்யாப்பாட்டி” சிறுகதையில் வரும் மூத்த பெண்மணியின் பாத்திரம் நேரில் கண்டு உருவான பாத்திரம். சம்பவமும் கூட நிஜத்தில் நடந்தவைகளே.

சில தொகுப்புக்கள் மூத்தோர்களைக் கவரும், சில தொகுப்புக்கள் இளையோர்களைக் கவரும், சில பெண்களால் அதிகம் ரசிக்கப்படும், சில ஆண்களால் மிகவும் பாராட்டப்படும். ஆனால், இச்சிறுகதைத் தொகுப்பு ஆறிலிருந்து அறுபது வரை உள்ள அனைவரையும் ஊன்றிப் படிக்க வைக்கும் என்பது உண்மை.

நன்றி.

இவண்,

முகில் தினகரன்

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books