Home / eBooks / Sanga Poongavil Koytha Malargal
Sanga Poongavil Koytha Malargal eBook Online

Sanga Poongavil Koytha Malargal (சங்கப்பூங்காவில் கொய்த மலர்கள்)

About Sanga Poongavil Koytha Malargal :

சங்க இலக்கியங்கள் என்று கூறப்படும் தொகை நூல்களான எட்டுத்தொகை மற்றும் பத்துப்பாட்டு, தமிழின் தொன்மையானதும் மேன்மையானதுமான படைப்புகள். அவை ஓர் ஒப்புயர்வற்ற கருத்துக்களஞ்சியம். அக்காலத்துக்கும் சூழலுக்கும் ஏற்பப் பல்வேறு கருத்துகள் இடம்பெற் றிருந்தாலும், காலங்கடந்து நிலைத்த பேருண்மைகள் பல இவற்றில் பொதிந்துள்ளன “சங்கப் பூங்காவில் கொய்த மலர்கள்” என்ற இந்த நூலின் நோக்கம், சங்க இலக்கியங்களில் கூறப்பட்ட விழுமிய கருத்துகளின் தற்காலப் பயன்பாட்டுப் பொருத்தம் (relevance) பற்றியதாகும். இன்று நம்மிடையே உலவும் புத்துலகக் கருத்தியல்கள் பலவும் இன்றைய சமுதாயத்தின் தேவைக்கேற்ப உருவாக்கப் பட்டிருந்தாலும்,அவற்றின் சாயல்கள் சில தமிழிலக்கியங்களில் படிந்திருப்பதை உணரலாம்.

About Dr. V. Kulandaiswamy :

முனைவர் வே. குழந்தைசாமி (73) 1972 - ஆம் ஆண்டு முதல் கடந்த 50 ஆண்டுகளாக உயர்கல்வித் தளத்தில் கல்விப்பணி ஆற்றி வருகிறார். கிராமியப் பொருளாதாரம் மற்றும் கூட்டுறவியலில் தனது பட்ட மேற்படிப்பையும் (1971) வணிகவியல் புலத்தில் முனைவர் பட்டத்தையும் (1981) பெற்றுள்ள இவர் தனது புலம் சார்ந்த பல நூல்கள் மற்றும் ஆய்வுக்கட்டுரைகளை வெளியிட்டதோடு முனைவர் பட்ட மாணவர்களுக்கும் பிற ஆய்வு மாணவர்களுக்கும் நெறியாளராக இருந்துள்ளார்.

இவர் தனது பணிக்காலத்தில் துணைப்பேராசிரியர், பேராசிரியர், கல்லூரி முதல்வர், பல்கலைக்கழகப் பதிவாளர் மற்றும் கல்லூரித் தாளாளர் என, பல பொறுப்புகளை வகித்துள்ளார். கடந்த 15 ஆண்டுகளாகத் தமிழ்மீது நாட்டம் கொண்டு பழந்தமிழ் இலக்கியங்களைக் கற்றதன் பயனாகச் சில நூல்களை வெளியிட்டுள்ளார். அருஞ்சொற்குவை என்ற அரிய சொற்தொகுப்பு, ஆங்கிலத்தில் பேராசிரியை ரூபாகுணசீலனுடன் இணைந்து வெளியிட்ட தமிழ் அற இலக்கியங்களில் மேலாண்மைக் கருத்துகள் என்ற நூல், முதுமொழிக்காஞ்சி என்ற பழந்தமிழ் நூலின் ஆங்கில மொழிபெயர்ப்பு என்பன இவற்றுள் அடங்கும்.

முனைவர் குழந்தைசாமி தற்போது கோயமுத்தூர் மாநகரில் (தமிழ்நாடு, இந்தியா) அமைந்துள்ள ஆதித்யா கலை அறிவியல் கல்லூரியின் செயலராகப் பணியாற்றி வருகிறார்.

Rent Now
Write A Review

Same Author Books