Home / eBooks / Sugamana Kaathirupu!
Sugamana Kaathirupu! eBook Online

Sugamana Kaathirupu! (சுகமான காத்திருப்பு!)

About Sugamana Kaathirupu! :

குடிபோதையில் பைக்கை நிதானமில்லாமல் ஓட்டிச் சென்று ஒரு பள்ளிக் கூடச் சிறுமியை இடித்துக் கொன்று விடுகிறான் ஜீவா. பணக்கார இளைஞனான அவனைக் காப்பாற்ற அவன் குடும்பத்தார் வேறொரு நபரை குற்றத்தை ஒப்புக்கொள்ள வைத்து சட்டத்தின் முன் நிறுத்த எண்ணுகின்றனர்.

ஆனால், அந்த விபத்தை நேரில் பார்த்த சாட்சியான சாவித்திரி, அந்தக் கேஸ் கோர்ட்டுக்கு வரும் போது தானே நேரில் போய் சாட்சி சொல்லப் போவதாய் மீடியாக்களில் அறிவிப்பு செய்கிறாள்.

அவள் வீட்டிற்கு வந்து பெரும் தொகை கொடுத்து அவளை விலைக்கு வாங்க முயற்சிக்கிறான் ஜீவா. ஆனால், சாவித்திரி இறுதி வரை உறுதியாய் நின்று அவனைச் சிறைக்கு அனுப்புகிறாள்.

சிறை வாழ்க்கை தந்த மனமாற்றத்தின் காரணமாகவும், சாவித்திரியின் ஸ்திரமான நேர்மையின் காரணமாகவும் ஜீவாவின் மனம் சாவித்திரியை விரும்புகின்றது. அந்த விரும்ப்பம் காதலாக மாற, தான் சிறையிலிருந்து வெளியே வந்ததும் தனக்கு சாவித்திரியை மண முடித்து வைக்குமாறு தன் பெற்றோரிடம் கோரிக்கை வைக்கிறான் ஜீவா.

சாவித்திரி ஜீவாவை ஏற்றுக் கொண்டாளா?

சஸ்பென்ஸை அறிந்து கொள்ள நாவலைப் படியுங்கள்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books