Home / eBooks / Thengaimoodi Athisayam
Thengaimoodi Athisayam eBook Online

Thengaimoodi Athisayam (தேங்காய்மூடி அதிசயம்)

About Thengaimoodi Athisayam :

சமுதாயத்தில் மற்றும் வாழ்க்கையில் நாம் காணும் யதார்த்தமான அல்லது விந்தையான முரண்பாடுகள் நல்ல கதைகளுக்கு கருவாக அமைகின்றன. கம்ப்யூட்டர் என்றால் ‘கிலோ என்ன விலை?’ என்று கேட்கும் மனைவி பிறிதொரு நாளில் தகவல் தொழில்நுட்ப விற்பன்னரான தன் கணவரைப் பற்றி, ‘அவருக்கு இந்த டெகனாலஜிலாம் அவ்வளவா வராது,’ என்று தோழிகளிடம் பீற்றிக் கொள்வதும் இப்படிப்பட்ட முரண்பாடு. இதன் நகைச்சுவை முதலில் நம்மை சிரிக்க வைத்தாலும், அவளது கூற்றில் உள்ள முரண்பாடும், யதார்த்தமும் ஒருங்கே நம்மை சிந்திக்க வைக்கின்றன. இப்படிப்பட்ட கதைகள்தான் வாசகர்கள் மனதில் தாக்கத்தை ஏற்படுத்துகின்றன. “தேங்காய்மூடி அதிசயம்” என்னும் இந்த தொகுப்பு தமிழில் என் முதல் புத்தகம். இதில் உள்ள கதைகள் சிறிய சிறுகதைகள் என்னலாம். இவை யாவுமே வேகமான நடையை கொண்டவை. அனைத்துக் கதைகளுமே முன்னுரை, நடப்பு, முடிவுரை என்ற பாரம்பரிய அமைப்பு இல்லாமல், வாசகர்களை நடப்பினுள் உடனடியாக இழுத்துச் சென்று, திடுமென முடியும் அமைப்பை கொண்டவை. சில கதைகள் ஆழ்ந்த கருத்துகளைக் கொண்டவை; சில சிரித்து ரசித்து, சிறிது சிந்திக்க வாய்ப்பளிக்கும் வகை; சில “அடப்பாவமே!” அல்லது “அடப்பாவி!” என்று அதிரவைக்கும் வகை.

About Dr. R.C. Natarajan :

ஆர்.சி. நடராஜன் பொருளாதாரத்திலும் நிர்வாகத்துறையிலும் முதுகலை முடித்து, நிர்வாகத்துறையில் ஆராய்ச்சி செய்து டாக்டர் பட்டம் பெற்றவர்.

பதினைந்து ஆண்டுகள் ஆவின், டால்மியா மற்றும் அமுல் போன்ற பால்வள நிறுவனங்களில் மேலாளராக பணிபுரிந்து, பின் கல்வித்துறைக்கு மாறி மணிப்பால், IIM Indore போன்ற நிர்வாகக் கல்வி நிறுவனங்களில் பேராசிரியராகவும் இயக்குநராகவும் பணிபுரிந்து ஓய்வு பெற்றவர். நகைச்சுவையாக எழுதுவதும் பேசுவதும் இவருக்கு கைவந்த கலை.

Rent Now
Write A Review

Same Author Books