Home / eBooks / Un Manasula Naan Irukkena?
Un Manasula Naan Irukkena? eBook Online

Un Manasula Naan Irukkena? (உன் மனசுல நான் இருக்கேனா?)

About Un Manasula Naan Irukkena? :

என் இனிய வாசகர்களே!

உங்கள் மனதில் எனக்கென சிறப்பான தனி இடத்தை தந்திருக்கிறீர்கள். என்னுடைய வாழ்க்கையின் மிகமிக உன்னதமான விஷயம் இதுமட்டும்தான். மிக்க மகிழ்ச்சி மிக்க நன்றி.

'உன் மனசுல நான் இருக்கேனா?' தவிப்பான கிராமத்துக் காதல் கதை. அன்பாக இருந்தாலும் சரி, நட்பாக இருந்தாலும் சரி, காதலாக இருந்தாலும் சரி நாமாக வலிய தேடிச் சென்றால் அவமானமே மிஞ்சும்.

பணமிருந்தால் எதைவேண்டுமானாலும் விலைக்கு வாங்கிவிடலாம். காதலை வாங்க முடியுமா? விரும்பிய இதயத்தில் குடியேற முடியுமா? 'நீ வேண்டவே வேண்டாம்' என விலகிச் செல்லும்போது ஒதுங்கி கொள்வது நல்லது. இல்லாவிட்டால் இதயம் முழுவதும் ரணமாகி கிடக்க வேண்டியதுதான்.

இக்கதையின் நாயகன் முத்தமிழ் தான் நினைத்த பெண்ணையே கரம்பிடித்தானா? கல்யாண பூமாலை முத்தமிழின் கழுத்தில் விழுந்ததா? காயம்பட்ட இதயத்தில் பூக்கள் பூத்ததா இல்லையா?

வாசித்து தெரிந்துக் கொள்ளுங்கள்

மிக்க அன்புடன் உங்கள்

மகேஷ்வரன்

About Maheshwaran :

தமிழ்நாட்டின் முன்னனி எழுத்தார்களுல் என்னையும் ஒருவனாய் கொண்டாடும் வாசக உள்ளங்களுக்கு பனிவான வணக்கம். உங்கள் இதயத்தில் எனக்கென ஒரு இடத்தை தந்திருக்கும் அனைவரையும் வணங்கி மகிழ்கிறேன். நன்றி.

இந்த இடத்தைத்தொட நான் பட்ட சிரமங்கள் கொஞ்சமல்ல. என் பதினேழு வயதில் எழுத்து பயணம் தொடங்கியது. தற்போது 45 வயதாகிறது. இந்த இருபத்தியெட்டு வருடங்களில் 500க்கும் மேற்ப்பட்ட சிறுகதைகள் மற்றும் 400 நாவல்கள் வரை எழுதிவிட்டேன்.

குமுதம் வைரமோதிரம் சிறுகதைப் போட்டியில் முதல் பரிசு, குமுதம் லட்ச ரூபாய் சிறுகதைப் போட்டியில் முதல் பரிசு, தேவி வார இதழ் நாவல் போட்டியில் முதல் பரிசு, கண்மணி நாவல் போட்டியில் பரிசு, இலக்கிய சிந்தனை விருது, விகடன், கல்கி இதழ்களில் பரிசு என ஏராளமானப் பரிசுகளை வாங்கியிருக்கிறேன். அனைத்து இதழ்களிலும் எனது படைப்புகள் வெளியாகிருக்கிறது.

வாசிப்பதன் மூலம் மனம் ஒரு நிலைப்படுகிறது. வாசிக்கிறபோது தங்கள் கவலைகளை மறந்து வேறொரு உலகத்திற்க்கு செல்கிறார்கள். எனது நாவல்களை வாசிக்கிறபோது விறுவிறுப்பான திரைப்படத்தைப் பார்ப்பது போல காட்சிகள் கண்களுக்குள் விரியும். முடிக்கும் வரை கீழே வைக்க மாட்டார்கள். காதல் ஆகட்டும், குடும்பம் ஆகட்டும், அமானுஷ்யம் ஆகட்டும், வாசிக்கும் கண்களுக்கு சலிப்பு ஏற்பட்டு விடக்கூடாது. தரமான படைப்புகளை படைப்பதே எனது நோக்கம். வாழ்த்துங்கள், வளர்கிறேன்!! உங்கள் விமர்சனங்கள் என்னை மேலும் வலுவூட்டும்.

மிக்க அன்புடன்
மகேஷ்வரன்

Rent Now
Write A Review

Same Author Books