Home / eBooks / Unakke Vechurikean Moochu!
Unakke Vechurikean Moochu! eBook Online

Unakke Vechurikean Moochu! (உனக்கே வெச்சிருக்கேன் மூச்சு!)

About Unakke Vechurikean Moochu! :

கல்லுரியில் படிக்கும் போதிருந்தே ஒருவரையொருவர் காதலித்த வந்த மதன்குமாரும், நிவேதிதாவும், படிப்பு முடிந்ததும் தங்கள் காதலை வீட்டில் தெரிவிக்கின்றனர். காதலை ஆதரிக்கும் இரு வீட்டுப் பெற்றோரும் தங்கள் வாரிசுகளின் காதலுக்கு எந்த வித மறுப்பும் சொல்லாது போக, எளிதாக காதல் வெல்கிறது. திருமணமும் நடைபெறுகின்றது.

திருமணத்திற்குப் பின், அலுவலகப் பணி காரணமாக அடிக்கடி பெங்களூர் செல்லும் மதன்குமாருக்கு, பெங்களூர் அலுவலகத்தில் பணி புரியும் ஸ்வேதா என்ற பெண்ணுடன் நெருக்கம் ஏற்படுகிறது. அந்த நெருக்கம் காதலாக மலர, தனக்குத் திருமணமாகிவிட்டது என்கிற உண்மையை மறைத்து, ஸ்வேதாவைக் கல்யாணம் செய்து கொள்கிறான்.

நிவேதிதாவிற்கு, ஆண் குழந்தை பிறக்கும் அதே நேரத்தில் ஸ்வேதாவும் ஒரு ஆண் குழந்தைக்குத் தாயாகிறாள். ஆனால், விதியின் விளையாட்டு காரணமாய், பெங்களூர் பஸ் விபத்தில் மதன்குமார் உயிர் துறக்கிறான்.

பல வருடங்களுக்குப் பின், அந்தக் குழந்தைகள் இருவரும் வளர்ந்து விட்ட காலகட்டத்தில் ஒருவரையொருவர் சந்திக்க நேரிடுகிறது. அச்சில் வார்த்தாற்போல் இருவரும் ஒன்றே போல் இருக்க, இரு தாயார்களும் சந்திக்கின்றனர்.

அடுத்து வரும் திருப்பங்கள்தான் இந்த நாவலின் சுவாரஸியங்கள்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books