Home / eBooks / Vathai Padum Vazhvu
Vathai Padum Vazhvu eBook Online

Vathai Padum Vazhvu (வதை படும் வாழ்வு)

About Vathai Padum Vazhvu :

“நந்தனார் தெரு” சிறுகதைத் தொகுப்பிற்குப் பிறகு, எனது இரண்டாவது தொகுதி இது. எத்தனை கதைகளை எழுதினாலும் சிறந்த கதைகளை எழுதுவிட்டோமா என்கிற கேள்வி எழுகிறது. ஒவ்வொரு முறையும் இதைவிட சிறந்த கதைகளை எழுத வேண்டும் என்கிற எண்ணம் மட்டும் மேலும் மேலும் வலுக்கிறது.

நம்மைச் சுற்றியுள்ள சமூக அவலத்திற்கு எதிராக புதிய சனநாயகப் பண்பாட்டுச் சூழல் நோக்கி எனது எழுத்துக்கள் தொடர்ந்து கொண்டிருக்கும்.

இத்தொகுப்பு வெளிவர பரந்துபட்டு பலர் உதவி இருக்கிறார்கள். 'நெம்புகோல்' தோழர்கள்: பேராசிரியர் கவிஞர் த. பழமலய், த. பாலு மற்றும் ம. சொக்கலிங்கம் ஆகியோரின் ஊக்கத்தையும் உதவியையும் இங்கு நான், குறிப்பிட்டுச் சொல்ல வேண்டும்.

முன்னுரை வழங்கிய தோழர்கள் செ. கணேசலிங்கன் பிரபஞ்சன், தொகுப்பு சிறப்புற வடிவமைத்துள்ள தோழர் ப. திருநாவுக்கரசு, உள்ளும் புறமும் அழகுற ஓவியம் வரைந்துள்ள ஓவியர்கள் திரு. விஸ்வம், திரு. மருது, திரு. வீர. சந்தானம் தமிழோசை அச்சகத்தார், நண்பர்கள் மற்றும் உங்களுக்கும் எனது தோழமை நன்றிகள்.

- விழி. பா. இதயவேந்தன்

About Vizhi Pa. Idhayaventhan :

விழி பா. இதயவேந்தன் அவர்கள் சிறுகதை, கவிதை, கட்டுரை, குறுநாவல், வீதிநாடகம் என்று பன்முகம் கொண்ட எழுத்தாளர். இவரின் படைப்புகள் ஐம்பதுக்கும் மேற்ப்பட்ட இதழ்களில் வெளி வந்துள்ளது. இந்தியா டுடே, கணையாழி, தினமணி கதிர், அரங்கேற்றம், தினப்புரட்சி, நான்காவது பரிமாணம் (கனடா), சதங்கை, இந்தாம் (மின்னிதழ்), மின்னம்பலம் (இணைய இதழ்) போன்று பல்வேறு தளங்களில் எழுதியுள்ளார்.

சென்னை சாகித்ய அகாடமியில் கதை, வாசிப்பு மற்றும் தமிழில் நவீன சிறுகதைகள் தொகுப்பில் கதை இடம் பெற்றுள்ளது. புது டெல்லி மற்றும் சாகித்ய அகாடமியின் இதழில் ஆங்கிலத்தில் மொழி பெயர்க்கப்பட்டுள்ளது. கேரள ஜனநாயகம் மாத இதழில் மலையாளத்திலும் மொழி பெயர்க்கப்பட்டுள்ளது. இவரின் சிறுகதைகளில் ஆறு இளம் முனைவர் (M. Phil.,) பட்டத்திற்க்கும், ஒருவர் முனைவர் (Ph.D.,) ஆய்வும் மேற்கொண்டு முடித்துள்ளனர். சென்னையிலுள்ள 'தலித் முரசு' பத்திரிக்கையில் இணை ஆசிரியராகவும் உள்ளார்.

இவரைப் பற்றி பழ மலாய் அவர்கள் எழுதி உள்ள குறிப்பு:

விழுப்புரத்தில், அடிநிலை மக்களிடையில் பிறந்து வளர்ந்து வாழ்ந்து வருபவர், அவர் களிடமிருந்து அந்நியமாகி வெறும் போலி யாகிப் போகாமல், தங்கள் இருப்பை, மன சாட்சிக்குத் துரோகம் செய்யாமல், எண்ணி எண்ணிப் பார்க்கிறார். அவர்களோடு சேர்ந்து போராடுகிறார். இந்த நிகழ்வுப் போக்கில் தான், இவர், நாட்டுப்புறப் பாடல்களைத் தொகுக்கிறார், வீதி நாடகங்களில் நடிக்கிறார், செய்திக் கட்டுரைகள் எழுதுகிறார், கவிதை, கதை, நாவல் - என்று வரைகிறார்.

அனுபவ மண்ணில் வேர்பாய்ச்சி, அழகி யல் வானில் கிளை பரப்புவதாலேயே இதய வேந்தனுடைய எழுத்துக்களை நாங்கள் இலக்கியம் என்று ஏற்றுக் கொள்கிறோம்.

- பேராசிரியர் பழ மலாய்

Rent Now
Write A Review

Same Author Books