Home / eBooks / Vithiyin Kaigal Maaruma?
Vithiyin Kaigal Maaruma? eBook Online

Vithiyin Kaigal Maaruma? (விதியின் கைகள் மாறுமா?)

About Vithiyin Kaigal Maaruma? :

திருநாவுக்கரசுவிற்கு அவன் பெற்றோர் ஒரு பெண்ணைப் பேசி முடித்து திருமணத்திற்கான ஏற்பாடுகளைச் செய்கின்றனர். திருமணத்திற்கு முந்திய தினம் அப்பெண் தன் காதலனுடன் ஓடி விடுகின்றது. சில நாட்களுக்குப் பிறகு வேறொரு பெண்ணைப் பார்த்து ஏற்பாடுகளைச் செய்ய, அந்த வரனும் திருமணம் வரை வந்து நின்று போய் விடுகின்றது.

அவன் ஜாதகத்தை அவன் பெற்றோர் கொண்டு போய் ஜோதிடரிடம் காட்ட, அவன் ஜாதகப்படி அவன் ஜாதகத்தை எந்தப் பெண் ஜாதகத்தோடு வைத்துப் பொருத்தம் பார்த்தாலும் அந்தப் பெண் ஜாதகத்திற்கு உடனடியாக மாங்கல்ய யோகம் வரும், என்றும், ஆனால் அது திருநாவுக்கரசுவுடன் அமையாது! என்று கூறுகின்றார்.

மேலும், இதே யோகமுள்ள பெண் ஜாதகம் இருந்தால் இரண்டும் பொருந்தும் என்கிறார் ஜோதிடர்.

அப்படியொரு ஜாதகம் வந்ததா?...

திருநாவுக்கரசுவிற்கு திருமணம் நடந்ததா?.

கதையைப் படியுங்கள்.

About Mukil Dinakaran :

சமூகவியலில் முதுகலைப் பட்டம் (M.A.,Sociology) பெற்றுள்ள எழுத்தாளர் “முகில் தினகரன்” தான் வாழும் சமூகத்தை ஊன்றிக் கவனித்து, தனக்குள் ஏற்படும் தாக்கங்களையும், பாதிப்புக்களையும் கதை வடிவில் உருமாற்றி வாசகர்களுக்கு சிறுகதைகளாகவும், நாவல்களாகவும் படைத்துக் கொண்டிருக்கின்றார்.

தனது எழுத்துப் பாட்டையில் இதுவரை 1020 சிறுகதைகளும், 125 நாவல்களும் எழுதி சாதனை படைத்துள்ள இவர், கவிதை, தன்னம்பிக்கை கட்டுரைகள், பட்டி மன்றப் பேச்சு, சுயமுன்னேற்றப் பயிலரங்கம், எழுத்து பயிற்சிப்பட்டறை, தொலைக்காட்சி சீரியல்களில் நடிப்பு, என பல்வேறு துறைகளிலும் தனது முத்திரையைப் பதித்து வருகின்றார். இவரது சிறுகதைகளில், சமூகப் பார்வை கொண்ட படைப்புக்களை ஆய்வு செய்து மாணவரொருவர் முனைவர் பட்டம் (பி.ஹெச்.டி) பெற்றுள்ளார்.

சிறுகதைப் போட்டி, நாவல் போட்டி, கவிதைப் போட்டி, என பல்வேறு போட்டிகளில் கலந்து கொண்டு, பல பரிசுகளை வென்றுள்ளார். எழுத்துச் சிற்பி, கதைக்களத் திலகம், நாவல் நாயகன், நாவல் நாபதி, சிந்தனைச் செங்கதிர், சிறுகதைச் செம்மல், கவிதைக் கலைமாமணி, தமிழ்ச்சிற்பி, உட்பட இருபத்தைந்துக்கும் மேற்பட்ட விருதுகளைப் பெற்றுள்ளார்.

மேலும், தில்லி தமிழ்ச் சங்கம், கல்கத்தா தமிழ்ச் சங்கம், மும்பைத் தமிழ்ச் சங்கம், புவனேஷ்வர் தமிழ்ச் சங்கம், திருவனந்தபுரம் தமிழ்ச் சங்கம், புதுச்சேரி தமிழ்ச் சங்கம், பெங்களூரு தமிழ்ச்சங்கம், ஹைதராபாத் தமிழ்ச் சங்கம், பொன்ற வெளி மாநில தமிழ்ச்சங்கங்களில் உரையாற்றி விருதுகளைப் பெற்றுள்ளார்.

கோவையைச் சேர்ந்த பிரபல கிரைம் எழுத்தாளர் ராஜேஸ் குமார் அவர்கள், இவரைத் தன் சிஷ்யர் என்று கூறி பெருமைப்படுத்தியுள்ளார்.

Rent Now
Write A Review

Same Author Books